(ພາບປະກອບ)
(vovworld) - ສັບປະດາທະເລ ແລະ ໝູ່ເກາະຫວຽດນາມ ປີ 2013 ຈະດຳເນີນໄປໃນລະຫວ່າງວັນທີ 07 – 08/06, ຢູ່ແຂວງພາກກາງຮ່າຕິ້ງ. ທີ່ການປະຊຸມຂ່າວໃນຕອນບ່າຍວັນທີ 08/05, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມ ໃຫ້ຮູ້ວ່າ ສັບປະດາທະເລ ແລະ ໝູ່ເກາະຫວຽດນາມ ປີ 2013 ມີຫົວຂໍ້ວ່າ “ຂຸດຄົ້ນໄປຂຽງຄູ່ກັບການປົກປັກຮັກສາສິ່ງແວດລ້ອມທະເລ, ໝູ່ເກາະ”. ເລື່ອງຈັດຕັ້ງສັບປະດາທະເລ ແລະ ໝູ່ເກາະຫວຽດນາມ ແມ່ນເພື່ອສືບຕໍ່ຍົກສູງຄວາມຮັບຮູ້ກ່ຽວກັບທີຕັ້ງ, ຄວາມສຳຄັນຂອງທະເລ, ໝູ່ເກາະໃນພາລະກິດສ້າງສາ ແລະ ປົກປັກຮັກສາປະເທດຊາດ; ເຊີດຊູ້ບັນດາຄຸນຄ່າຂອງມະຫາສະມຸດທີ່ມີຕໍ່ຊີວິດຂອງມະນຸດ. ທ່ານ ຫງວຽນດັງດ້າວ, ຮອງຫົວໜ້າກົມໃຫຍ່ທະເລ ແລະ ໝູ່ເກາະຫວຽດນາມ ໃຫ້ຮູ້ວ່າ.
“ປີນີ້ມີ 3 ເຫດການໃຫຍ່. ທີໜຶ່ງແມ່ນ ເວທີປາໄສເຄື່ອງໝາຍການຄ້າທະເລຫວຽດນາມ ຄັ້ງທີ 5. ເວທີປາໄສນີ້ມີຫົວຂໍ້ວ່າ ເຂດອະນຸລັກຮັກສາທະເລກັບການພັດທະນາແຫຼ່ງຊັບພະຍາກອນສິ່ງແວດລ້ອມທະເລ, ເກາະ ຢ່າງໝັ້ນຄົງ. ທີ 2 ແມ່ນ, ເວທີປາໄສເສດຖະກິດທະເລຄັ້ງທີ 4. ເນື້ອໃນທີ 3 ແມ່ນງານໂຮມຊຸມນຸມສະເຫຼີມສະຫຼອງວັນສິ່ງແວດລ້ອມໂລກ ຄືວັນທີ 05/06 ແລະ ວັນມະຫາສະມຸດໂລກ 08/06. ງານໂຮມຊຸມນຸມຈະດຳເນີນຢູ່ເຂດທ່ອງທ່ຽວ ທຽນເກີມ, ແຂວງ ຮ່າຕິ້ງ ແລະ ໄດ້ຮັບການຖ່າຍຖອດສົດທາງໂທລະພາບໃນຕອນເຊົ້າວັນທີ 08/06”.