ສປປ.ເກົາຫຼີສະເໜີເປີດສາຍການບິນໂດຍກົງເຖິງສ.ເກົາຫຼີ
(VOVWORLD) -ວັນທີ 08 ພຶດສະພາ, ໂຄສົກກະຊວງການຕ່າງປະເທດສ.ເກົາຫຼີ Noh Kyu duk ໃຫ້ຮູ້ວ່າ, ສປປ.ເກົາຫຼີ ສະເໝີເປີດສາຍການບິນສາກົນລະຫວ່າງນະຄອນຫຼວງພຽງຢາງ ຂອງສປປ.ເກົາຫຼີ ແລະ ນະຄອນ Incheon ຂອງສ.ເກົາຫຼີ.
|
 ໂຄສົກກະຊວງການຕ່າງປະເທດສ.ເກົາຫຼີ Noh Kyu duk
(ພາບ: Yonhap)
|
ຂໍ້ສະເໜີດັ່ງກ່າວໄດ້ຍົກອອກມາໃນການພົບປະລະຫວ່າງການນຳສປປ.ເກົາຫຼີ Kim Jong un ແລະ ທ່ານປະທານາທິບໍດີສ.ເກົາຫຼີ Moon Jae in ຫວ່າງແລ້ວນີ້.
ກ່ອນໜ້ານັ້ນ, ສາຍການບິນຈາກພຽງຢາງ ໄປເຖິງ Incheon ແລະ ກົງກັນຂ້າມຕ້ອງບິນຜ່ານປະເທດທີ 3. ອົງການການບິນພົນລະເຮືອນສາກົນຄາດວ່າຈະຢ້ຽມຢາມສປປ.ເກົາຫຼີ ໃນອາທິດນີ້ ເພື່ອປຶກສາຫາລືກ່ຽວກັບຄວາມຮຽກຮ້ອງຕ້ອງການຂອງສປປ.ເກົາຫຼີ ໃນການເປີດສາຍການບິນໂດຍກົງເຖິງສ.ເກົາຫຼີ.