ທ່ານ ເລເລືອງມິງ ແລະ ທ່ານ Kyle O’Sullivan
(ພາບ: ASEAN)
|
(vovworld) – ແຈ້ງການຂອງຄະນະເລຂາສະຫະສະມາຄົມບັນດາປະເທດ ອາຊີ ຕາເວັນອອກ ສ່ຽງໃຕ້ (ອາຊຽນ) ໃຫ້ຮູ້ວ່າ: ວັນທີ 15/4, ທ່ານ Kyle O’Sullivan, ເອກອັກຄະລັດຖະທູດຄົນໃໝ່ຂອງ ສ. ອາຍແລນ ໄດ້ຍື່ນສານຕາຕັ້ງຕໍ່ທ່ານເລຂາທິການໃຫຍ່ ອາຊຽນ ເລເລືອງມິງ, ດຳລົງຕຳແໜ່ງເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າປະຈຳຂອງ ສ. ອາຍແລນ ປະຈຳ ອາຊຽນຢ່າງເປັນທາງການ.
ນະພິທີ, ທ່ານເລຂາທິການໃຫຍ່ ເລເລືອງມິງ ຊົມເຊີຍຄວາມເອົາໃຈໃສ່ຂອງລັດຖະບານ ອາຍແລນ ໃນການຮ່ວມມືຢ່າງແໜ້ນແຟ້ນ ແລະ ປາດຖະໜາຢາກຊຸກຍູ້ການພົວພັນດ້ານເສດຖະກິດກັບ ອາຊຽນ, ທັງ 2 ຝ່າຍ ແລະ ໃນຂອບເຂດ ອາຊຽນ - ສະຫະພາບ ເອີລົບ (ອີຢູ). ຄຽງຄູ່ເລື່ອງແຈ້ງໃຫ້ຊາບກ່ຽວກັບຄວາມຄືບໜ້າໃນການກໍ່ສ້າງປະຊາຄົມ ອາຊຽນ, ທ່ານເລຂາທິການໃຫຍ່ ກໍ່ກະຕຸກຊຸກຍູ້ທ່ານ ເອກອັກຄະລັດຖະທູດ Kyle O’Sullivan ຜັນຂະຫຍາຍບັນດາການເຄື່ອນໄຫວຮ່ວມມືແທດຈິງ ເຊິ່ງອາດຈະປະຕິບັດໄດ້ລະຫວ່າງ ອາຊຽນ ແລະ ອາຍແລນ ເພື່ອນຳມາເຊິ່ງຜົນປະໂຫຍດໃຫ້ທັງ 2 ຝ່າຍ.
ທ່ານ ເອກອັກຄະລັດຖະທູດ Kyle O’Sullivan ຢັ້ງຢືນວ່າ: ອາຍແລນ ສະໜັບສະໜູນ ອາຊຽນ ພັດທະນາການຮ່ວມມື ແລະ ເຊື່ອມໂຍງໃນພາກພື້ນ ກໍຄືສະໜັບສະໜູນບັນດາຄວາມມານະພະຍາຍາມກໍ່ສ້າງປະຊາຄົມ ອາຊຽນ. ໃນບົດບາດເປັນເອກອັກຄະລັດຖະທູດ ອາຍແລນ ປະຈຳ ອາຊຽນ, ທ່ານ ໃຫ້ຄຳໝັ້ນສັນຍາຈະຊຸກຍູ້ ແລະ ພັດທະນາບັນດາການພົວພັນຮ່ວມມືຢ່າງແໜ້ນແຟ້ນລະຫວ່າງ ອາຍແລນ ແລະ ອາຊຽນ.