(ພາບປະກອບຈາກ bangkokpost.com)
|
(vovworld) – ວັນທີ 28/3, ທ່ານ ຫງວຽນເຕີດແທ່ງ, ເອກອັກຄະລັດຖະທູດ ຫວຽດນາມ ປະຈຳ ໄທ ໃຫ້ຮູ້ວ່າ: ສະຖານທູດ ຫວຽດນາມ ພວມມະພະຍາຍາມຮັບປະກັນໃຫ້ບັນດາຊາວປະມົງ ຫວຽດນາມ ທີ່ຫາກໍ່ຖືກຈັບຕົວ ແລະ ປະຈຸບັນພວມຖືກກັກຂັງຢູ່ແຂວງ ສົງຂາ, ທາງພາກໃຕ້ ໄທ, ໄດ້ຮັບການປະພຶດຕໍ່ຢ່າງຖືກຕ້ອງຕາມກົດໝາຍສາກົນ ແລະ ກົດໝາຍປະເທດປະຈຳຖິ່ນ. ກ່ອນໜ້ານັ້ນ, ສື່ມວນຊົນ ໄທ ໄດ້ໃຫ້ຂ່າວວ່າມີຊາວປະມົງຫວຽດນາມ 38 ຄົນ ໃນກຳປ່ັນ 7 ລຳຖືກກຳລັງລາດຕະເວນຂອງກອງທັບເຮືອ ໄທ ຈັບຕົວໃນຂະນະທີ່ພວມຫາປາຢູ່ເຂດເກາະ ຄຣະ ຫ່າງຈາກຝັ່ງທະເລໄປທາງທິດໃຕ້ແຂວງ ນະຄອນ ສີທຳມະຣາດ 30 ໄມທະເລ. ບັນດາຊາວປະມົງນີ້ຖືກກ່າວຫາວ່າ “ເຄື່ອນໄຫວຜິດກົດໝາຍ” ໃນເຂດທະເລ ໄທ ແລະ ພາຍຫຼັງໄດ້ສົ່ງໄປຖານທີ່ໝັ້ນກອງທັບເຮືອ ສົງຂາ, ຂຶ້ນກັບເຂດກອງທັບເຮືອ ເລກ 2, ເພື່ອມອບສົ່ງໃຫ້ຕຳຫຼວດ. ຕາມແຫຼ່ງຂ່າວຫຼ້າສຸດແລ້ວ, ຕອນບ່າຍວັນທີ 28/3, ເຈົ້າໜ້າທີ່ ໄທ ໄດ້ນຳຕົວ 38 ຄົນດັ່ງກ່າວດຳເນີນຄະດີ. ຜົນຂອງການດຳເນີນຄະດີຖືກຍົກອອກມາໃນໄວໆນີ້.