(VOVWORLD) -ນັບແຕ່ເວລາ 6 ໂມງເຊົ້າ ຫາເວລາ 18 ໂມງ ຂອງວັນທີ 3 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ໃນຊຸມຊົນ ຕື່ມອີກ 19 ກໍລະນີ ແລະ 1 ກໍລະນີ ເປັນຊາວຕ່າງປະເທດເຂົ້າເມືອງ ຫວຽດນາມ.
 ເອົາຕົວຢ່າງກວດຫາເຊື້ອໄວຣັດ SARS - CoV - 2 ຢູ່ແຂວງ ກວ໋າງນິງ (ພາບ: TTXVN) |
ໃນນັ້ນ ຢູ່ ຫາຍເຢືອງ 14 ກໍລະນີ, ກວ໋າງນິງ 04 ກໍລະນີ, ຢາລາຍ 01 ກໍລະນີ. ເປັນອັນວ່າ, ໄລ່ຮອດເວລາ 18 ໂມງ ຂອງວັນທີ 3 ກຸມພາ, ຫວຽດນາມ ມີຜູ້ຕິດເຊື້ອໂຄວິດ - 19 ລວມທັງໝົດ 1911 ກໍລະນີ, ໃນນັ້ນ ໄດ້ປິ່ນປົ່ວຫາຍດີ 1.461 ກໍລະນີ ແລະ ມີ 35 ກໍລະນີ ເສຍຊີວິດ.
ສ່ວນຢູ່ໃນໂລກ, ຕາມເວັບໄຊສະຖິຕິ worldmeters.info ແລ້ວ, ໄລ່ຮອດເວລາ 1 ໂມງຂອງວັນທີ 3 ກຸມພາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ກວ່າ 104.372.113 ຄົນ, ໃນນັ້ນ ມີ 2.261.970 ຄົນ ເສຍຊີວິດ. ໄລ່ຮອດປັດຈຸບັນ, ອາເມລິກາ ມີ 457.822 ກໍລະນີເສຍຊີວິດ ໃນຈຳນວນ 27.023.425 ກໍລະນີຕິດເຊື້ອ. ຢືນອັນດັບທີ 2 ໃນໂລກ ແມ່ນ ອິນເດຍ, ຖັດຈາກນັ້ນ ແມ່ນ ບຣາຊິນ.