ສະພາແຫ່ງຊາດປຶກສາຫາລືຢູ່ໜ່ວຍກ່ຽວກັບຮ່າງກົດໝາຍວ່າດ້ວຍການຈັດຕັ້ງລັດຖະບານ(ສະບັບປັບປຸງ)
ສສຊ ປຶກສາຫາລືຢູ່ໜ່ວຍ
(ພາບປະກອບ)
(vovworld) – ໂດຍສືບຕໍ່ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດ ຫວຽດນາມ ຊຸດທີ 13, ຕອນເຊົ້າວັນທີ 7/11, ສະພາແຫ່ງຊາດປຶກສາຫາລືຢູ່ໜ່ວຍກ່ຽວກັບຮ່າງກົດໝາຍວ່າດ້ວຍການຈັດຕັ້ງລັດຖະບານ (ສະບັບປັບປຸງ) ລວມມີ 8 ພາກ, 50 ມາດຕາ. ບັນດາ ສສຊ ສຸມໃສ່ປຶກສາຫາລື 3 ບັນຫາ, ກ່ຽວກັບບົດບາດໜ້າທີ່, ກົນໄກຈັດຕັ້ງຂອງລັດຖະບານ, ກ່ຽວກັບໜ້າທີ່, ສິດອຳນາດຂອງລັດຖະບານ, ນາຍົກລັດຖະມົນຕີ, ກ່ຽວກັບໜ້າທີ່, ສິດອຳນາດຂອງລັດຖະມົນຕີ, ຫົວໜ້າອົງການສຳນັກງານທຽບເທົ່າກະຊວງ ແລະ ບົດບາດໜ້າທີ່ຂອງກະຊວງ, ອົງການສຳນັກງານທຽບເທົ່າກະຊວງ. ມີຫຼາຍຄຳເຫັນເປັນເອກະພາບກັບການກຳນົດຂອງຮ່າງກົດໝາຍ, ກຳນົດທີ່ຕັ້ງບົດບາດ, ພາລະໜ້າທີ່ຂອງລັດຖະບານຕາມການກຳນົດທີ່ມາດຕາ 94 ຂອງລັດຖະທຳນະນູນທີ່ວ່າ: “ລັດຖະບານແມ່ນອົງການບໍລິຫານລັດສູງສຸດຂອງປະເທດຊາດ. ລັດຖະບານຮັບຜິດຊອບຕໍ່ສະພາແຫ່ງຊາດ ແລະ ລາຍງານວຽກງານຕໍ່ສະພາແຫ່ງຊາດ, ຄະນະປະຈຳສະພາແຫ່ງຊາດ ແລະ ປະທານປະເທດ”. ເຖິງຢ່າງໃດກໍ່ຕາມ, ບັນດາ ສສຊ ຖືວ່າ: ຮ່າງກົດໝາຍຕ້ອງຫັນຂໍ້ກຳນົດດັ່ງກ່າວຂອງລັດຖະທຳມະນູນເປັນລະອຽດ ຈະແຈ້ງກ່ວາ, ພິເສດແມ່ນກຳນົດໃໝ່ກ່ຽວກັບສິດບໍລິຫານຂອງລັດຖະບານ.
ຕາມໂຄງການດຳເນີນງານແລ້ວ, ໃນຕອນບ່າຍວັນທີ 7/11, ສສຊ ປຶກສາຫາລືກ່ຽວກັບຮ່າງກົດໝາຍຈັດຕັ້ງອຳນາດການປົກຄອງທ້ອງຖີ່ນ.