ທ່ານສະມາຊິກສະພາຕໍ່າອາເມລິກາ Eni Faleomavaega
(ພາບອີນເຕີແນດ)
(vovworld) - ວັນທີ 12/9, ສະພາຕໍ່າອາເມລິກາໄດ້ຮັບຮອງເອົາຮ່າງກົດໝາຍວ່າດ້ວຍສິດທິມະນຸດຫວຽດນາມ. ແຕ່ຮ່າງກົດໝາຍພວມໄດ້ຮັບການຄັດຄ້ານຈາກສະມາຊິກສະພາແຫ່ງຊາດອາເມລິກາ. ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມກ່ຽວກັບຂໍ້ຕົກລົງຂອງສະພາຕໍ່າ ອາເມລິກາ. ທ່ານ Eni Faleomavaega, ສະມາຊິກກຳມາທິການພົວພັນຕ່າງປະເທດສະພາຕໍ່າອາເມລິກາ, ໃຫ້ຮູ້ວ່າ:
”ຂ້າພະເຈົ້າບໍ່ເຫັນດີກັບຄວາມເຫັນຂອງສະມາຊິກສະພາແຫ່ງຊາດບາງທ່ານທີ່ຖືວ່າ ລັດຖະບານຫວຽດນາມຍັງບໍ່ທັນປະຕິບັດຫຼັກການມະນຸດສະທຳ. ດ້ວຍເງື່ອນໄຂ ແລະ ບັນດາບັນຫາເຊິ່ງປະເທດໜຶ່ງພວມພັດທະນາຄືຫວຽດນາມ ພວມປະສົບນັ້ນ, ຂ້າພະເຈົ້າອາດເວົ້າໄດ້ວ່າ ຫວຽດນາມ ພວມເຮັດທຸກສິ່ງທຸກຢ່າງທີ່ສາມາດເຮັດໄດ້ໃນສະພາບການຕົວຈິງປະຈຸບັນ”.
ກ່ຽວກັບວິທີສຳພັດໃນບັນຫາມະນຸດສະທຳ, ສະມາຊິກສະພາຕໍ່າອາເມລິກາ Eni Faleomavaega ຊີ້ແຈ້ງວ່າ:
”ຂ້າພະເຈົ້າບໍ່ເຫັນດີກັບທັດສະນະກ່ຽວກັບສິດທິມະນຸດຂອງສະມາຊິກສະພາແຫ່ງຊາດອາເມລິກາ ຈຳນວນໜຶ່ງ, ແຕ່ລະປະເທດລ້ວນແຕ່ມີຄຸນຄ່າ ແລະ ຫຼັກການສະເພາະໃນການປະຕິບັດສິດທິມະນຸດ. ຂ້າພະເຈົ້າຖືວ່າລັດຖະບານຫວຽດນາມ ໄດ້ເຮັດທຸກສິ່ງທຸກຍ່າງດີທີ່ສຸດ. ຍາມໃດຂ້າພະເຈົ້າກໍ່ຄັດຄ້ານເລື່ອງບັນດາສະມາຊິກສະພາແຫ່ງຊາດອາເມລິກາ ຕຳໜິຕິຕຽນສະພາບການສິດທິມະນຸດຢູ່ຫວຽດນາມ. ຂ້າພະເຈົ້າຖືວ່າ ສິດທິມະນຸດຢູ່ຫວຽດນາມ ບໍ່ທັນໄດ້ຮັບການສ່ອງແສງຢ່າງຊັດເຈນ”
ສະມາຊິກສະພາຕໍ່າອາເມລິກາ Eni Faleomavaega ຖືວ່າ ຮ່າງກົດໝາຍວ່າດ້ວຍສິດທິມະນຸດຫວຽດນາມແມ່ນໄປຝືນກັບບັນດາຄວາມມານະພະຍາມເພີ່ມທະວີການພົວພັນກັບຫວຽດນາມ ຂອງອຳນາດການປົກຄອງອາເມລິກາ ໃນຊຸມປີຜ່ານມາ. ຄວາມຈິງແລ້ວ, ຍັງບໍ່ທັນມີຮ່າງກົດໝາຍວ່າດ້ວຍສິດທິມະນຸດຫວຽດນາມ ສະບັບໃດໄດ້ຮັບການຮັບຮອງເອົາຢູ່ສະພາສູງ ເຖິງວ່າໄດ້ຮັບການຮັບຮອງເອົາຈາກສະພາຕຳ່ແລ້ວ.