(vovworld) - ຕອນບ່າຍວັນທີ 7/9, ຢູ່ແຂວງກວາງບິ່ງ, ໄດ້ດຳເນີນພິທີສະເຫຼີມສະຫຼອງ 30 ປີ ແຫ່ງວັນຮ່ວມມືດ້ານຍຸຕິທຳຫວຽດນາມ - ລາວ. ນະພິທີ, ທ່ານ Ha Hung Cuong, ລັດຖະມົນຕີກະຊວງຍຸຕິທຳຫວຽດນາມ, ເນັ້ນໜັກວ່າ ພ້ອມກັບການຮ່ວມມືຮອບດ້ານໃນທຸກຂົງເຂດ, ຂະແໜງຍຸຕິທຳສອງປະເທດ ໄດ້ມີການພົວພັນຮ່ວມມືນຳກັນມາແຕ່ດົນນານ ເພື່ອແນໃສ່ແບ່ງປັນບົດຮຽນໃນການສ້າງອົງການຈັດຕັ້ງກົງຈັກລັດ, ສ້າງລະບົບກົດໝາຍ ກໍ່ຄືບຳລຸງສ້າງຖັນແຖວພະນັກງານຍຸຕິທຳ. ການພົວພັນຮ່ວມມືນີ້ນັບມື້ນັບໄດ້ຮັບການເປີດກວ້າງ ແລະ ໄດ້ຮັບຜົນງານທີ່ດີງາມຫຼາຍຢ່າງ, ຮັບໃຊ້ໃຫ້ແກ່ພາລະກິດສ້າງລັດແຫ່ງອຳນາດນິຕິບັນຍັດສັງຄົມນິຍົມຢູ່ແຕ່ລະປະເທດ. ທ່ານ ລັດຖະມົນຕີກະຊວງຍຸຕິທຳຫວຽດນາມ Ha Hung Cuong, ເນັ້ນໜັກວ່າ:
”ພ້ອມກັບການຮ່ວມມືຮອບດ້ານໃນບັນດາຂົງເຂດການທະຫານ, ການເມືອງ, ເສດຖະກິດ, ວັດທະນະທຳ, ວິທະຍາສາດເຕັກນິກ… ໃນໄລຍະຜ່ານມາ, ການພົວພັນຮ່ວມມືທາງດ້ານກົດໝາຍ ແລະ ຍຸຕິທຳເວົ້າລວມ ແລະ ລະຫວ່າງສອງປະເທດຫວຽດນາມ - ລາວ ເວົ້າສະເພາະໄດ້ຮັບການສ້າງຕັ້ງ, ເພີ່ມທະວີຢ່າງບໍ່ຢຸດຢັ້ງ ແລະ ບັນລຸໄດ້ຜົນງານທີ່ໜ້າຊື່ນຊົມຫຼາຍຢ່າງ”
ແລະກໍ່ຢູ່ພິທີດັ່ງກ່າວຂະແໜງຍຸຕິທຳສອງປະເທດໄດ້ລົງນາມໃນສັນຍາຮ່ວມມືນຳກັນ 5 ສະບັບ.