ສະເຫຼີມສະຫຼອງ 50 ປີ ແຫ່ງວັນຊາດ Malta
(ພາບ: VOV )
(vovworld) ທີ່ພິທີສະເຫຼີມສະຫຼອງ 50 ປີ ແຫ່ງວັນຊາດສາທາລະນະລັດ Malta ແລະ ສະເຫຼີມສະຫຼອງ 40 ປີ ແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ-Malta, ເຊິ່ງໄດ້ດໍາເນີນໃນຕອນຄໍ່າວັນທີ 21/9 ຢູ່ນະຄອນໂຮ່ຈິມິນ, ທ່ານຮວື່ງຈູງນາມ, ຫົວໜ້າກົງສູນກິຕິມະສັກແຫ່ງສາທາລະນະລັດ Malta ປະຈໍານະຄອນ, ປາດຖະໜາວ່າ: ການຮ່ວມມືລະຫວ່າງ 2 ປະເທດຈະພັດທະນາຂຶ້ນສູ່ລະດັບສູງໃໝ່, ດ້ວຍບັນດາຂົງເຂດບຸລິມະສິດຄື: ເສດຖະກິດ, ການຄ້າ, ການລົງທຶນ, ການເງິນ ແລະ ການທ່ອງທ່ຽວ. ມຸ່ງໄປເຖິງຈຸດໝາຍນີ້, ໃນ 2 ປີ ຜ່ານມາໄດ້ມີການພົບປະລະຫວ່າງວິສາຫະກິດ 2 ປະເທດຫຼາຍຄັ້ງ, ພິເສດໃນເດືອນ 11 ຈະມາເຖິງ, ເປັນຄັ້ງທໍາອິດຄະນະຜູ້ແທນຂັ້ນສູງຂອງລັດຖະບານ ຫວຽດນາມ ຈະໄປຢ້ຽມຢາມ, ປຶກສາຫາລືຢ່າງລະອຽດກັບລັດຖະບານ ແລະ ບັນດາວິສາຫະກິດ Malta. ກ່າວຄໍາເຫັນທີ່ພິທີ, ທ່ານເລແມ້ງຮ່າ, ຮອງປະທານຄະນະກໍາມະການປະຊາຊົນນະຄອນໂຮ່ຈິມິນຢືນຢັນວ່າ: ນະຄອນໂຮ່ຈິມິນຍາມໃດກໍ່ສ້າງເງື່ອນໄຂ ແລະ ກຽມພ້ອມໜູນຊ່ວຍບັນດາວິສາຫະກິດ Malta ທີ່ມາລົງທຶນ ແລະ ຮ່ວມມືດໍາເນີນທຸລະກິດຢູ່ທ້ອງຖິ່ນ.
Malta ມີທີ່ຕັ້ງພູມສາດສະດວກ, ເປັນປະຕູເຂົ້າເອີຣົບ ແລະ ອາຟຣິກກາ, ໃນຂະນະນັ້ນ, ຫວຽດນາມ ກໍ່ແມ່ນປະຕູສະດວກເພື່ອເຂົ້າຕະຫຼາດອາຊີຕາເວັນອອກສ່ຽງໃຕ້ ແລະ ອາຊີ. ຂ້າພະເຈົ້າເຊື່ອໝັ້ນວ່າ: ດ້ວຍບັນດາທ່າໄດ້ປຽບກ່ຽວກັບພູມສາດ, ຄວາມສາມາດບົ່ມຊ້ອນ ແລະ ຄວາມມານະພະຍາຍາມຂອງ 2 ຝ່າຍ, ການຮ່ວມມືລະຫວ່າງຫວຽດນາມ, ໃນນັ້ນມີນະຄອນໂຮ່ຈິມິນ ແລະ Malta ຈະມີບັນດາບາດກ້າວພັດທະນາໃໝ່.