(vovworld) – ກ່າວຄຳເຫັນທີ່ພິທີສະເຫີຼມສະຫຼອງ 66 ປີແຫ່ງວັນສ້າງຕັ້ງປະເທດສາທາລະນະລັດປະຊາຊົນຈີນ (01/10/1949 – 01/10/2015), ເຊິ່ງດຳເນີນໄປໃນຕອນຄໍ່າວັນທີ 29/09, ຢູ່ຮ່າໂນ້ຍ, ໂດຍສະຖານທູດຈີນ ປະຈຳຫວຽດນາມ ຈັດຕັ້ງ, ທ່ານລັດຖະມົນຕີວ່າການກະຊວງແຜນການ ແລະ ການລົງທຶນຫວຽດນາມ ບຸຍກວາງວິງ ໄດ້ຊົມເຊີຍບັນດາຜົນງານເຊິ່ງປະຊາຊົນຈີນ ຍາດມາໄດ້ໃນ 66 ປີຜ່ານມາ ແລະ ຢືນຢັນວ່າ, ຍາມໃດພັກ, ລັດ ແລະ ປະຊາຊົນຫວຽດນາມ ກໍຖືການປັບປຸງ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອຫວຽດນາມ - ຈີນ ເປັນສຳຄັນ; ປາດຖະໜາຢາກພ້ອມກັບຈີນ ມານະພະຍາຍາມເພີ່ມທະວີການຮ່ວມມືຢ່າງສະເໜີພາບ, ຕ່າງຝ່າຍຕ່າງມີຜົນປະໂຫຍດໃນທຸກຂົງເຂດ, ແກ້ໄຂບັນດາຄວາມບໍ່ລົງລອຍກັນຢ່າງສົມເຫດສົມຜົນ. ທ່ານເອກອັກຄະລັດຖະທູດຈີນ ປະຈຳຫວຽດນາມ ໂຄງແຊວຢຸງ ຢືນຢັນວ່າ, ຈີນ ປາດຖະນາຢາກພ້ອມກັບຫວຽດນາມ ເຮັດໃຫ້ການພົວພັນມິດຕະພາບທີ່ເປັນມູນເຊື້ອເລິກເຊິ່ງກວ່າ, ເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານໃຫ້ບັນລຸບັນດາບາດກ້າວໃໝ່.