ກອງປະຊຸມປະຈຳປີກ່ຽວກັບບັນດາອົງການຈັດຕັ້ງບໍ່ຂຶ້ນກັບລັດຖະບານ ທີ່ພວມເຄື່ອນໄຫວຢູ່ນະຄອນໂຮ່ຈີມິນ (ພາບ: TTXVN)

ກອງປະຊຸມເພື່ອແນໃສ່ສະຫຼຸບວຽກງານສົມທົບກັບບັນດາອົງການຈັດຕັ້ງບໍ່ຂຶ້ນກັລັດຖະບານ, ຍ້ອງຍໍ ແລະ ມອບລາງວັນໃຫ້ແກ່ໝູ່ຄະນະທີ່ມີຜົນງານທີ່ດີໃນການສົມທົບກັບອົງ ການຈັດຕັ້ງບໍ່ຂຶ້ນກັບລັດຖະບານ ໄລຍະ 2016 – 2018.

ໂດຍຕາງໜ້າໜ່ວຍປະຕິບັດງານບໍ່ຂຶ້ນກັບລັດຖະບານຂອງຄະນະກຳມະການປະຊາຊົນ ນະຄອນ ໂຮ່ຈີມິນ, ທ່ານນາງ ຫງວຽນທິຮົ່ງຢ໊ຽມ, ຮອງປະທານສະຫະພັນບັນດາອົງການຈັດຕັ້ງມິດຕະພາບນະຄອນ ໂຮ່ຈີມິນ (HUFO), ໄດ້ຕີລາຄາສູງການສົມທົບຂອງບັນດາບໍລິສັດ, ສະຫະສະມາຄົມວິສາຫະກິດຕ່າງປະເທດ, ບັນດາອົງການທຸຕານຸທູດ, ສ່ວນບຸກຄົນ, ອົງການຈັດຕັ້ງບໍ່ຂຶ້ນກັບລັດຖະບານ ໄດ້ຮ່ວມເດີນທາງກັບນະຄອນ ໂຮ່ຈີມິນ ປະຕິບັດບັນດາລາຍການສັງຄົມ, ທຳການກຸສົນ, ປະກອບສ່ວນຍົກສູງຄຸນນະພາບການດຳລົງຊີວິດໃຫ້ແກ່ຜູ້ທຸກຍາກ, ຜູ້ທີ່ປະສົບກັບຄວາມຫຍຸ້ງຍາກ. ການນຳ, ບັນດາຄະນະຂະແໜງການ, ປະຊາຊົນນະຄອນໂຮ່ຈີມິນໄດ້ຕີລາຄາສູງ ແລະ ໃຫ້ຄຳໝັ້ນສັນຍາວ່າຈະສ້າງທຸກເງື່ອນໄຂເພື່ອຜັນຂະຫຍາຍບັນດາໂຄງການ, ລາຍການຂອງບັນດາອົງການບໍ່ຂຶ້ນກັບລັດຖະບານໃຫ້ສຳເລັດ.