ສ.ເກົາຫຼີ ແລະ ອາເມລິກາ ຍິງລູກສອນໜ້າດິນຕ້ານໜ້າດິນ
(VOVWORLD) - ໃນຕອນເຊົ້າວັນທີ 5 ຕຸລາ, ກອງທັບປະເທດນີ້ ແລະ ອາເມລິກາ ໄດ້ຍິງລູກສອນໄຟໜ້າດິນຕ້ານໜ້າດິນ 4 ລູກໄປເຂດທະເລທາງທິດຕາເວັນອອກ.
 (ພາບປະກອບ: mirror) |
ສະພາເສນາທິການກຳລັງທະຫານປະສົມ ສ.ເກົາຫຼີ ໄດ້ແຈ້ງໃຫ້ຊາບວ່າ ໃນຕອນເຊົ້າວັນທີ 5 ຕຸລາ, ກອງທັບປະເທດນີ້ ແລະ ອາເມລິກາ ໄດ້ຍິງລູກສອນໄຟໜ້າດິນຕ້ານໜ້າດິນ 4 ລູກໄປເຂດທະເລທາງທິດຕາເວັນອອກ ເຊິ່ງໄດ້ດຳເນີນໃນຂອບເຂດຂອງການຊ້ອມຮົບຮ່ວມ, ພາຍຫຼັງທີ່ ສປປ.ເກົາຫຼີ ຍິງລູກສອນໄຟນຳວິຖີໄລຍະກາງ (IRBM) ຜ່ານເຂດນ່ານຟ້າ ຍີ່ປຸ່ນ 1 ວັນ.
ແຈ້ງການດັ່ງກ່າວໃຫ້ຮູ້ວ່າ ແຕ່ລະຝ່າຍໄດ້ຍິງລູກສອນໄຟ 2 ລູກ ໃນລະບົບລູກສອນໄຟຍຸດທະວິທີ (ATACMS), ເຊິ່ງລ້ວນແຕ່ຍິງຖືກເປົ້າໝາຍສົມມຸດຖານ ແລະ ສະແດງກຳລັງຄວາມສາມາດຂອງສຳພັນທະມິດໃນການນາບຂູ່ການກະທຳເກາະຜິດ.