ຫວຽດນາມຈັດຕັ້ງເວທີປາໄສສະພາບແວດລ້ອມດຳເນີນທຸລະກິດສະບຽງອາຫານແລະກະສິກຳອາຊຽນ
(ພາບປະກອບ)
(vovworld) - ທ່ານນາຍົກລັດຖະມົນຕີຫວຽດນາມ ໄດ້ເຫັນດີກັບແຜນນະໂຍບາຍຂອງກະຊວງກະສິກຳ ແລະ ພັດທະນາຊົນນະບົດ ເປັນຜູ້ຮັບຜິດຊອບການສົມທົບກັບ 2 ກະຊວງຄື: ກະຊວງການຕ່າງປະເທດ ແລະ ຫ້ອງການການຄ້າ ແລະ ອຸດສາຫະກຳຫວຽດນາມ, ກອງທຶນປົກປັກຮັກສາສິ່ງແວດລ້ອມສາກົນ ແລະ ບັນດາອົງການ, ທ້ອງຖິ່ນທີ່ກ່ຽວຂ້ອງ ຈັດຕັ້ງ “ເວທີປາໄສສະພາບແວດລ້ອມດຳເນີນທຸລະກິດສະບຽງອາຫານ ແລະ ກະສິກຳອາຊຽນ ພາຍຫຼັງປີ 2015”. ເວທີປາໄສຈະຈັດຂຶ້ນຢູ່ຮ່າໂນ້ຍໃນລະຫວ່າງວັນທີ 23 – 25/06. ມີຜູ້ແທນແຕ່ 350 – 400 ຄົນເຂົ້າຮ່ວມເວທີປາໄສ, ໃນນັ້ນທີຜູ້ແທນພາຍໃນປະເທດ 200 ຄົນ ແລະ ຜູ້ແທນມາຈາກຕ່າງປະເທດ 150 – 200 ຄົນ, ລວມທັງບັນດາລັດຖະມົນຕີວ່າການຜູ້ຮັບຜິດຊອບຂົງເຂດກະສິກຳ, ປ່າໄມ້, ການປະມົງ ໃນພາກພື້ນອາຊຽນ, ທ່ານເລຂາທິການໃຫຍ່ອາຊຽນ, ຜູ້ຕາງໜ້າບັນດາກະຊວງ, ຂະແໜງການ, ອົງການຈັດຕັ້ງສາກົນ… ທີ່ເວທີປາໄສ, ຜູ້ແທນຈະແບ່ງປັນຂໍ້ມູນ, ສະເໜີບັນດານະໂຍບາຍເພີ່ມທະວີການຜະລິດດ້ານກະສິກຳ, ປັບປຸງສະພາບທຳມາຫາກິນ ແລະ ຫຼຸດຜ່ອນຜົນກະທົບຈາກສິ່ງແວດລ້ອມ…