ການເຄື່ອນໄຫວຊົມເຊີຍວັນສະແດງບົນເວທີໂລກ
ພາບ:internet
|
(vovworld) - ລາຍການສະແດງສິລະປະຕອບສະຫນອງວັນສະແດງບົນເວທີໂລກຂອງສະມາຄົມນັກສິລະປິນສະແດງບົນເວທີ ຫວຽດນາມ ຖືກໄຂຂຶ້ນໃນຕອນຄຳ່ວັນທີ 27/3 ຢູ່ ຮ່າໂນ້ຍ. ປີ 1962, ສະຫະສະມາຄົມສະແດງບົນເວທີໂລກ ໄດ້ເລືອກເອົາວັນທີ 27/3 ແມ່ນວັນສະແດງບົນເວທີໂລກ. ສະຫະສະມາຄົມສະແດງບົນເວທີໂລກໄດ້ຮັບການສ້າງຕັ້ງຂຶ້ນ ເພື່ອເນັ້ນຫນັກເຖິງບົດບາດຂອງສິລະປະການສະແດງບົນເວທີໃນການພັດທະນາດ້ານວັດທະນະທຳຂອງມວນມະນຸດ ແລະ ເຊີດຊູຮູບການສິລະປະສະແດງບົນເວທີໃນທ່ົວໂລກ. ກ່າວຄຳເຫັນທີ່ພິທີ, ນັກສິລະປິນປະຊາຊົນ ເລຕຽນທໍ້, ປະທານສະມາຄົມນັກສິລະປິນສະແດງບົນເວທີ ຫວຽດນາມ ໃຫ້ຮູ້ວ່າ:
“ສະມາຄົມນັກສິລະປິນສະແດງບົນເວທີ ຫວຽດນາມ ໄດ້ເຂົ້າເປັນສະມາຊິກຂອງສະຫະສະມາຄົມສະແດງບົນເວທີໂລກເມື່ອປີ 2004 . ຫວຽດນາມ ໄດ້ເຂົ້າຮ່ວມຢ່າງຕັ້ງຫນ້າເຂົ້າໃນບັນດາການເຄື່ອນໄຫວຂອງສະຫະສະມາຄົມສະແດງບົນເວທີໂລກ ແລະ ໄດ້ປະສານສົມທົບກັບອົງການດັ່ງກ່າວເພື່ອຈັດງານມະໂຫລານສະແດງບົນເວທີຢູ່ ຮ່າໂນ້ຍ. ມີຫລາຍຮູບການສະແດງບົນເວທີຂອງຫວຽດນາມ ເຂົ້າຮ່ວມງານມະໂຫລານ, ການປະກວດຕ່າງໆໄດ້ຮັບຫລຽນຄຳ, ຫລຽນເງິນຫລາຍຫລຽນຈາກສາກົນ, ປະກອບສ່ວນແນະນຳພື້ນຖານວັດທະນະທຳ ຫວຽດນາມ ໃຫ້ແກ່ເພື່ອນມິດສາກົນ.”