ສະພາຄວາມໝັ້ນຄົງ ສປຊ ຈັດກອງປະຊຸມທາງອອນລາຍກ່ຽວກັບສະພາບການຢູ່ ຊູດັງໃຕ້

ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ຕີລາຄາສູງບັນດາການຜັນແປຢ່າງຕັ້ງໜ້າຢູ່ ຊູດັງໃຕ້, ທ່ານກໍ່ຖືວ່າ ບັນດາຄວາມຄືບໜ້ານີ້ຕ້ອງໄດ້ຮັບຮູ້ໃນສະພາບການ ຊູດັງໃຕ້ ພວມປະສົບກັບຄວາມຫຍຸ້ງຍາກຫຼາຍຢ່າງຈາກໂລກລະບາດໂຄວິດ - 19, ສະພາບການເກີດໄພນ້ຳຖ້ວມ ແລະ ສະພາບການຂາດຄວາມໝັ້ນຄົງດ້ານສະບຽງອາຫານ. ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ ກໍ່ໄດ້ຮຽກຮ້ອງໃຫ້ລັດຖະບານ ແລະ ບັນດາຝ່າຍທີ່ກ່ຽວຂ້ອງຢູ່ຊູດັງໃຕ້ຊຸກຍູ້ການຜັນຂະຫຍາຍວິວັດການສົ່ງຜ່ານກໍ່ຄືດຳເນີນບັນດາມາດຕະການຢ່າງມີປະສິດທິຜົນ ເພື່ອແນໃສ່ແກ້ໄຂສະພາບການໃຊ້ຄວາມຮຸນແຮງໃນປະຊາຄົມ. ທ່ານເອກອັກຄະລັດຖະທູດຕີລາຄາສູງບົດບາດຂອງ UNMISS, ບັນດາປະເທດບ້ານໃກ້ເຮືອນຄຽງ ແລະ ອົງການຈັດຕັ້ງໃນພາກພື້ນໃນການຊຸກຍູ້ວິວັດການສ້າງສັນຕິພາບ ແລະ ພັດທະນາຢູ່ຊູດັງໃຕ້. ທ່ານກໍ່ຢັ້ງຢືນວ່າ ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າການເຄື່ອນໄຫວຂອງ UNMISS  ແລະ ຊຸກຍູ້ການເຂົ້າຮ່ວມຂອງແມ່ຍິງໃນຄະນະປະຕິບັດງານ, ພ້ອມທັງຮຽກຮ້ອງເພີ່ມທະວີເງື່ອນໄຂ, ພື້ນຖານໂຄງລ່າງຢ່າງສະດວກໃຫ້ແກ່ແມ່ຍິງໃນຄະນະປະຕິບັດງານ.

ນັກຂ່າວ VOV ປະຈຳ ອາເມລິກາ