(vovworld) - ວັນທີ 31/12 ເຊິ່ງແມ່ນວັນສຸດທ້າຍຂອງປີ 2013, ໃນໂອກາດສົ່ງທ້າຍປີເກົ່າຕ້ອນຮັບປີໃໝ່ 2014, ຊາວຮ່າໂນ້ຍ ໄດ້ລົງຖະໜົນເພື່ອຕ້ອນຮັບປີໃໝ່ ແລະ ມີຄວາມຫວັງມີແດ່ຄວາມໂຊກດີ ແລະ ສະຫງົບສຸດ. ຢູ່ສະໜາມຫຼວງໂຮງລະຄອນໃຫຍ່ຮ່າໂນ້ຍ ໄດ້ຈັດລາຍການສະແດງສິລະປີຕ້ອນຮັບປີໃໝ່ ດ້ວຍການເຂົ້າຮ່ວມຂອງປະຊາຊົນນັບໝື່ນຄົນ.
ພ້ອມກັບບັນຍາກາດຕ້ອນຮັບປີໃໝ່ 2014 ໃນທົ່ວທຸກແຫ່ງຂອງປະເທດຊາດ, ນະຄອນໂຮ່ຈິມິນ ໄດ້ຈັດຕັ້ງບັນດາເຫດການຕ້ອນຮັບປີໃໝ່ໃນບັນຍາກາດສົ່ງທ້າຍປີເກົ່າຕ້ອນຮັບປີໃໝ່ ດ້ວຍລັກສະນະພິເສດສະເພາະ. ທ້າວຫງວຽນຮ່ວາຍນາມ, ຊາວນະຄອນໂຮ່ຈິມິນ, ໄດ້ແບ່ງປັນວ່າ.
“ຂ້າພະເຈົ້າມີຄວາມປິຕິຊົມຊື່ນໃນໄລຍະສົ່ງທ້າຍປີເກົ່າຕ້ອນຮັບປີໃໝ່. ຫວັງວ່າ, ໃນປີໃໝ່ຊີວິດການເປັນຢູ່ຂອງທຸກຄົນຈະດີກວ່າ, ຈະບໍ່ມີຄວາມອຶດຫິວ ທຸກຍາກອີກ. ທຸກຄົນຈະມີຊີວິດທີ່ອີ່ມໜຳສຳນານ, ຜາສຸກຫຼາຍກວ່າອີກ.”
ບັນດາຍາກາດຕ້ອນຮັບປີໃໝ່ 2014 ຢູ່ນະຄອນເກີນເທີ ມີບັນຍາກາດທີ່ຄຶກຄື້ມ, ຈຸດພົ້ນເດັ່ນແມ່ນລາຍການສະແດງສິລະປະດ້ວຍເນື້ອໃນທີ່ວ່າ: ຕ້ອນຮັບປີໃໝ່ 2014, ສະເຫຼີມສະຫຼອງ 10 ປີແຫ່ງວັນນະຄອນເກີນເທີ ຂຶ້ນກັບສູນກາງ.
ຢູ່ພາກກາງຂອງຫວຽດນາມ, ນະຄອນດ່ານັ້ງ ໄດ້ຕ້ອນຮັບປີໃໝ່ 2014 ດ້ວຍບັນດາງານບຸນ, ວັດທະນະທຳ, ສິລະປະທີ່ອຸດົມສົມບຸນ ແລະ ດຶງດູດໃຈ ເພື່ອຮັບໃຊ້ປະຊາຊົນລະຫຼິ້ນ ແລະ ນັບທັງແຂກທ່ອງທ່ຽວມາຢ້ຽມຢາມດ່ານັ້ງ. ຈຸດພິເສດທີ່ສຸດແມ່ນງານບຸນຕ້ອນຮັບປີໃໝ່ດ້ວຍຫົວຂໍ້ “ຮັກແພງດ່ານັ້ງ” ເຊິ່ງຖືກຈັດຂັ້ນໃນຕອນຄໍ່າວັນທີ 31/12/2013 ຢູ່ສະໜາມຫຼວງ 29/3, ເສັ້ນທາງ 2/9.
ໃນຂະນະນັ້ນ, ຢູ່ນະຄອນໂຮ້ຍອານ, ແຂວງ ກວາງນາມ ໄດ້ຈັດ “ງານລາຕີຕ້ອນຮັບປີໃໝ່ 2014” ດ້ວຍບັນດາການເຄຶ່ືອນໄຫວເປັນເອກະລັກສະເພາະຂອງຄຸມເມືອງເກົ່າ.