ທ່ານລັດຖະມົນຕີກະຊວງຍຸຕິທຳຫວຽດນາມ Ha Hung Cuong
ຕ້ອນຮັບລັດຖະມົນຕີກະຊວງຍຸຕິທຳລາວ
(ພາບ: moj.gov.vn)
(vovworld) - ຕອນເຊົ້າວັນທີ 4/9, ຢູ່ ຮ່າໂນ້ຍ, ທ່ານລັດຖະມົນຕີກະຊວງຍຸຕິທຳຫວຽດນາມ Ha Hung Cuong ແລະ ທ່ານລັດຖະມົນຕີກະຊວງຍຸຕິທຳລາວ ຈະເລີນເຢຍປາວເຮີ ໄດ້ມີການພົບປະເຈລະຈານຳກັນ ໃນຂອບເຂດການຢ້ຽມຢາມ ແລະ ເຮັດວຽກຢູ່ຫວຽດນາມຂອງຄະນະຜູ້ແທນຂັ້ນສູງກະຊວງຍຸຕິທຳລາວ ແຕ່ວັນທີ 4-9/9/2012, ລັດຖະມົນຕີກະຊວງຍຸຕິທຳ ທັງສອງທ່ານ ໄດ້ເຫັນດີເປັນເອກະພາບທີ່ຖືວ່າ ການຢ້ຽມຢາມຫວຽດນາມ ຄັ້ງນີ້ມີຄວາມໝາຍພິເສດ ແລະ ເປັນການຢັ້ງຢືນອີກເທື່ອໜຶ່ງວ່າ ສາຍພົວພັນມິດຕະພາບແບບພິເສດລະຫວ່າງສອງພັກ, ສອງລັດຖະບານ ສອງປະຊວງຍຸຕິທຳ ແລະ ປະຊາຊົນສອງປະເທດແມ່ນ ”ສວຍສົດງົດງາມ ແລະ ໝັ້ນຄົງຂະໜົງແກ່ນໄປຊົ່ວກາລະນານ”. ລັດຖະມົນຕີທັງສອງທ່ານ ໄດ້ເຫັນດີເປັນເອກະພາບນຳກັນວ່າ ໃນໄລຍະຈະມາເຖິງຈະສູມໃສ່ໃຫ້ບຸລິມາສິດອັນດັບໜຶ່ງແກ່ວຽກງານບຳລຸງສ້າງພະນັກງານກົດໝາຍ. ທັງສອງກະຊວງຈະເປັນຂົວເຊື່ອມຕໍ່ໃຫ້ 10 ແຂວງທີ່ມີເສັ້ນຊາຍແດນຮ່ວມ ເພີ່ມທະວີການຮ່ວມມືກວ່າອີກໃນຂົງເຂດກົດໝາຍ, ຍຸຕິທຳ ແລະ ພັດທະນາເສດຖະກິດສັງຄົມ… ຕອນບ່າຍຂອງວັນດຽວກັນ, ໄດ້ດຳເນີນການພົບປະເຈລະຈາກ່ຽວກັບການຮ່ວມມືບຳລຸງສ້າງດ້ານກົດໝາຍລະຫວ່າງສອງປະເທດຫວຽດນາມ - ລາວ.