ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ລົງຢ້ຽມຢາມສູນເຕັກໂນໂລຢີປະດິດຄິດສ້າງ TUMO (ພາບ: VOV)

ຕອນຄ່ຳວັນທີ 2 ເມສາ, ໂດຍສືບຕໍ່ການຢ້ຽມຢາມ ສ.ອາກເມເນຍຢ່າງເປັນທາງການ, ຢູ່ນະຄອນຫຼວງ Yerevan, ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ລົງຢ້ຽມຢາມສູນເຕັກໂນໂລຢີປະດິດຄິດສ້າງ TUMO - ເຊິ່ງແມ່ນສູນການສຶກສາໂດຍບໍ່ເສຍຄ່າໂດຍຊ່ວຍໃຫ້ຊາວໜຸ່ມຮ່ຳຮຽນເອງ ແລະ ຍົກສູງລະດັບຄວາມຮູ້ດ້ວຍຕົນເອງ. ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ຕີລາຄາສູງຮູບແບບ ສູນເຕັກໂນໂລຢີປະດິດຄິດສ້າງ TUMO ຂອງ ອາກເມເນຍ, ທ່ານສະເໜີຢາກໃຫ້ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ຊີ້ນຳການຄົ້ນຄວ້າມຸ່ງໄປເຖິງການສ້າງບັນດາສູນເຕັກໂນໂລຢີປະດິດຄິດສ້າງ ທີ່ຄ້າຍຄືກັນຮູບແບບ TUMO ຂອງ ອາກເມເນຍ. ນີ້ແມ່ນໜຶ່ງໃນບັນດາເງື່ອນໄຂທີ່ຈະເປັນເພື່ອບຳລຸງສ້າງແຫຼ່ງຊັບພະຍາກອນດີຈີຕອນໃນສັງກາດໃໝ່, ສັງກາດບຸກບືນຂອງຊາດ.

ແລະກໍ່ໃນໂອກາດນີ້, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ກໍ່ໄດ້ພົບປະເຈລະຈາກັບທ່ານຮອງນາຍົກລັດຖະມົນຕີ ອາກເມເນຍ Mher Grigoryan. ຮອງນາຍົກລັດຖະມົນຕີ ສອງທ່ານໄດ້ແລກປ່ຽນບາງມາດຕະການເພື່ອແນໃສ່ຊຸກຍູ້ການພົວພັນສອງປະເທດໃນໄລຍະຈະມາເຖິງຄື: ເຊື່ອມຕໍ່ຄົມມະນາຄົມ ແລະ ການຂົນສົ່ງຫຼາຍວິທີການເພື່ອນຳສິນຄ້າສອງປະເທດໄປຍັງຕະຫຼາດຂອງກັນ ແລະ ບັນດາປະເທດໃນພາກພື້ນ ອາຊີ ແລະ ເອີລົບ ແລະ ຕະຫຼາດໂລກ; ພິຈາລະນາບັນດານະໂຍບາຍບຸລິມະສິດກ່ຽວກັບວິຊາເພື່ອສ້າງຄວາມສະດວກໃຫ້ພົນລະເມືອງສອງປະເທດເມື່ອໄປທ່ອງທ່ຽວ… ຮອງນາຍົກລັດຖະມົນຕີ ສອງທ່ານເຫັນດີເປັນເອກະພາບຊຸກຍູ້ການສ້າງຄະນະກຳມະການລະຫວ່າງລັດຖະບານສອງປະເທດໂດຍໄວເພື່ອແກ້ໄຂບັນດາບັນຫາທີ່ເກີດຂຶ້ນໃນການພົວພັນດ້ານເສດຖະກິດ - ການຄ້າລະຫວ່າງສອງປະເທດໂດຍໄວ.