ຫວຽດນາມ ເຂົ້າຮ່ວມ ງານວາງສະແດງພະລັງງານນິວເຄຼຍໂລກ
ງານວາງສະແດງພະລັງງານນິວເຄຼຍໂລກ
(ພາບ: vietnamplus.vn)
(vovworld) – ງານວາງສະແດງພະລັງງານນິວເຄຼີຍໂລກ ດຳເນີນໄປໃນລະຫວ່າງວັນທີ 14 – 16/10, ຢູ່ສູນວາງສະແດງ Bourget, ທາງພາກເໜືອຂອງນະຄອນຫຼວງ ປາຣີ, ປະເທດຝລັ່ງ. ງານວາງສະແດງໄດ້ຈັດຂຶ້ນຕາມຂໍ້ລິເລີ່ມຂອງສະຫະສະມາຄົມບັນດານັກອຸດສາຫະກຳສົ່ງອອກນິວເຄຼຍຂອງ ຝລັ່ງ (AIFEN), ໄດ້ດຶງດູດການເຂົ້າຮ່ວມຂອງ 495 ກຸ່ມບໍລິສັດ ແລະ ບໍລິສັດອັນດັງໜຶ່ງຂອງໂລກໃນຂົງເຂດພະລັງງານນິວເຄຼຍ ແລະ ໄຟຟ້ານິວເຄຼຍ ທີ່ມາຈາກ 24 ປະເທດຄື: ຝລັ່ງ, ອາເມລິກາ, ອັງກິດ, ລັດເຊຍ, ຍີ່ປຸ່ນ… ຄະນະຜູ້ແທນຫວຽດນາມເຂົ້າຮ່ວມງານວາງສະແດງ ເພື່ອແນໃສ່ສຳຫຼວດການນຳໃຊ້ພະລັງງານນິວເຄຼຍເຂົ້າໃນການຜະລິດ ແລະ ສະໜອງໄຟຟ້າຢູ່ປະເທດຕ່າງໆ.
ນີ້ເປັນຄັ້ງທຳອິດ ທີ່ງານວາງສະແດງນິວເຄຼຍພົນລະເມືອງໄດ້ຮັບການຈັດຕັ້ງພາຍໃຕ້ຮູບການເປັນງານຕະຫຼາດນັດສາກົນ, ເພື່ອແນໃສ່ຊ່ວຍບັນດາບໍລິສັດ, ວິສາຫະກິດ, ວົງການນັກວິຊາການ ແລະ ຜູ້ຊ່ຽວຊານ ແນະນຳເຕັກໂນໂລຊີ, ແລກປ່ຽນບົດຮຽນກ່ຽວກັບການສຳຫຼວດ, ອອກແບບ, ຜະລິດ ແລະ ກໍ່ສ້າງໂຮງງານໄຟຟ້ານິວເຄຼຍ, ພ້ອມທັງສ້າງຕັ້ງບັນດາການພົວພັນຄູ່ຮ່ວມມືໃນຂອບເຂດທົ່ວໂລກ.