(vovworld) - ວັນທີ 23/3, ຢູ່ນະຄອນ Gretz Armainvilliers ຢູ່ຊານນະຄອນຫຼວງ ປາຣີ ໄດ້ດຳເນີນພິທີປູກຕົ້ນໄມ້ມິດຕະພາບ ແລະ ການໂອ້ລົມສົນທະນາດ້ວຍຫົວຂໍ້ວ່າ “ຫວຽດນາມ: ປະຫວັດສາດ, ປະຊາຊົນ”. ນີ້ແມ່ນການເຄື່ອນໄຫວຂອງ ຫວຽດນາມ ທີ່ໄດ້ເປີດສາກວັນວັດທະນະທຳສາກົນຢູ່ນະຄອນແຫ່ງນີ້. ທ່ານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ເຢືອງຈີ໋ຢູງ ສະແດງຄວາມເອກອ້າງທະນົງໃຈເມື່ອ ຫວຽດນາມ ໄດ້ເລືອກເຟັ້ນການເປີດສາກວັນວັດທະນະທຳສາກົນຢູ່ Gretz Armainvilliers, ພ້ອມທັງເນັ້ນໜັກວ່າ: ການປູກຕົ້ນໄມ້ໃນຍາມຕົ້ນລະດູບານໃໝ່ແມ່ນມູນເຊື້ອ ແລະ ປະເພນີອັນດີງາມຂອງ ຫວຽດນາມ. ທີ່ການໂອ້ລົມສົນທະນາ, ທ່ານເອກອັກຄະລັດຖະທູດ ເຢືອງຈີ໋ຢູງ ໄດ້ສົ່ງສານສັນຕິພາບ, ມິດຕະພາບຂອງປະຊາຊົນ ຫວຽດນາມ ແລະ ຂອງປະເທດພວມພັດທະນາຢ່າງແຂງແຮງ ແລະ ເປີດປະຕູເຊື່ອມໂຍງເຂົ້າກັບສາກົນ ມາຍັງປະຊາຊົນນະຄອນ Gretz Armainvilliers .