(vovworld) - ຄະນະສະມາຊິກສະພາແຫ່ງຊາດແຂວງ Thanh Hoa ໂດຍທ່ານ Le Nam, ສະມາຊິກຄະນະພັກແຂວງ, ຮອງຫົວໜ້າຄະນະສະມາຊິກສະພາແຫ່ງຊາດແຂວງ Thanh Hoa, ນຳໜ້າ ຫາກໍ່ມີການພົບປະກັບທ່ານຮອງປະທານສະພາແຫ່ງຊາດລາວ ໄຊສົມພອນ ພົມວິຫານ, ໃນຂອບເຂດການຢ້ຽມຢາມ ແລະ ເຮັດວຽກຂອງຄະນະຢູ່ລາວ ແຕ່ວັນທີ 19 – 26/9. ທີ່ການພົບປະ, ສອງຝ່າຍໄດ້ເນັ້ນໜັກເຖິງການແລກປ່ຽນຄະນະສະມາຊິກສະພາແຫ່ງຊາດບັນດາແຂວງ, ແລກປ່ຽນກ່ຽວກັບເລື່ອງຕ້ອນຮັບປະຊາຊົນ, ກຳໄດ້ແນວຄວາມຄິດຈິດໃຈຄວາມມຸ່ງມາດປາດຖະໜາຂອງປະຊາຊົນ ເພື່ອໃຫ້ບັນດາສະມາຊິກສະພາແຫ່ງຊາດໃກ້ຊິດກັບປະຊາຊົນກວ່າ. ສອງຝ່າຍກໍແລກປ່ຽນມາດຕະການຕ່າງໆ ເພື່ອຍົກສູງປະສິດທິຜົນການເຄື່ອນໄຫວຂອງຕົນໃນການປະຕິບັດກົດໝາຍ, ຕໍ່ສູ້ຕ້ານໄພສໍ້ລາດບັງລວງກວ່າອີກ ກໍຄືປະກອບຄຳເຫັນກັບທ້ອງຖິ່ນກ່ຽວກັບການປະຕິບັດບັນດາໜ້າທີ່ເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບ, ກໍ່ສ້າງທ້ອງຖິ່ນພັດທະນາໃຫ້ຮັ່ງມີ ແລະ ເຂັ້ມແຂງ.
ທ່ານຮອງປະທານສະພາແຫ່ງຊາດລາວ ໄຊສົມພອນ ພົມວິຫານ ປາດຖະໜາວ່າ ຄະນະສະມາຊິກສະພາແຫ່ງຊາດ ແຂວງ Thanh Hoa ແລະ ບັນດາທ້ອງຖິ່ນຂອງລາວ ຍູ້ແຮງການແລກປ່ຽນບົດຮຽນ, ແບ່ງປັນຂ້ໍມູນຂ່າວສານ, ເຮັດລ້ອນໜ້າທີ່ເຊິ່ງປະຊາຊົນມອບໝາຍໃຫ້, ປະກອບສ່ວນຊຸກຍູ້ສາຍພົວພັນສາມັກຄີແບບພິເສດຫວຽດນາມ - ລາວ ໃຫ້ນັບມື້ນັບພັດທະນາຢ່າງໝັ້ນຄົງ.