ອິນໂດເນເຊຍ ຈະສ້າງພື້ນຖານໂຄງລ່າງຂອງນະຄອນຫຼວງໃໝ່ໃຫ້ສົມບູນແບບກ່ອນວັນຊາດ ປີ 2024
(VOVWORLD) - ນະຄອນຫຼວງໃໝ່ໄດ້ເຕົ້າໂຮມບັນດາປັດໄຈຢ່າງຄົບຖ້ວນກ່ຽວກັບເຕັກນິກທັນສະໄໝ, ລະບົບປົກປັກຮັກສາສິ່ງແວດລ້ອມ ແລະ ບັນດາຄວາມສະດວກທີ່ສຸດຂອງນະຄອນແຫ່ງອະລິຍະທຳ ແລະ ທັນສະໄໝ
ພາບປະກອບ: TTXVN |
ກ່າວຄຳເຫັນຕໍ່ວົງການນັກຂ່າວໃນວັນທີ 24 ພຶດສະພາ, ຢູ່ຈາກາຕາ, ທ່ານລັດຖະມົນຕີຮັບຜິດຊອບກິດຈະກຳສາທາລະນະ ແລະ ເຮືອນຢູ່ ອິນໂດເນເຊຍ Basuki Hadimuljono ປະກາດວ່າ ປະເທດນີ້ຈະ ສ້າງບັນດາພື້ນຖານໂຄງລ່າງຫຼັກຂອງນະຄອນຫຼວງໃໝ່ Nusantara ໃຫ້ສົມບູນແບບກ່ອນວັນຊາດຂອງປະເທດນີ້ໃນປີ 2024. ທ່ານ Basuki ເນັ້ນໜັກວ່າ ນະຄອນຫຼວງໃໝ່ໄດ້ເຕົ້າໂຮມບັນດາປັດໄຈຢ່າງຄົບຖ້ວນກ່ຽວກັບເຕັກນິກທັນສະໄໝ, ລະບົບປົກປັກຮັກສາສິ່ງແວດລ້ອມ ແລະ ບັນດາຄວາມສະດວກທີ່ສຸດຂອງນະຄອນແຫ່ງອະລິຍະທຳ ແລະ ທັນສະໄໝ. ລັດຖະບານອິນໂດເນເຊຍ ກໍ່ໄດ້ຮຽກຮ້ອງບັນດາບໍລິສັດເອກະຊົນ, ວິສາຫະກິດຕ່າງປະເທດຄົ້ນຄ້ວາໂອກາດມາລົງທຶນຢູ່ນະຄອນຫຼວງໃໝ່ນີ້.