(ພາບປະກອບ: vnexpress.net)
(vovworld): ຕອນຄ່ຳວັນທີ 18/1, ຢູ່ນະຄອນຫຼວງຈາກາກຕາ, ປະເທດອິນໂດເນເຊຍ ໄດ້ຈັດພິທີສະເຫຼີມສະຫຼອງ 40 ປີແຫ່ງການພົວພັນມິດຕະພາບ ແລະ ການຮ່ວມມືລະຫວ່າງອາຊຽນ ແລະ ຍີ່ປຸ່ນ. ກ່າວຄຳເຫັນນະທີ່ນີ້, ທ່ານເລຂາທິການໃຫ່ຍອາຊຽນເລເລືອງມິນ ຢືນຢັນວ່າ: ຍີ່ປຸ່ນ ແມ່ນໜຶ່ງໃນບັນດາປະເທດຄູ່ເຈລະຈາຍາວນານ ແລະ ສຳຄັນກ່ວາໝູ່, ຍາມໃດກໍ່ແບ່ງປັນຜົນປະໂຫຍດໃນທຸກຄວາມສາມາດບົ່ມຊ້ອນ ແລະ ສິ່ງທ້າທາຍກັບອາຊຽນ. ທ່ານຊີ້ແຈງວ່າ: ໃນອະນາຄົດ, ອາຊຽນ ຊົມເຊີຍການສືບຕໍ່ສະໜິດຕິດພັນລະຫວ່າງອາຊຽນ ແລະ ຍີ່ປຸ່ນ ຊື່ງຈະສືບຕໍ່ນຳມາເຊິ່ງຜົນປະໂຫຍດໃຫ້ແກ່ເສດຖະກິດ ແລະ ເປີດກ້ວາງບັນດາການພົວພັນຂອງສອງຝ່າຍ. ອາຊຽນ ໄດ້ກາຍເປັນຄູ່ຮ່ວມມືຍຸດທະສາດຂອງຍີ່ປຸ່ນ ເມື່ອບັນລຸໄດ້ການເຕີບໂຕດ້ານເສດຖະກິດຢ່າງແຮງ ແລະ ແມ່ນຕະຫຼາດທີ່ກ້ວາງໃຫ່ຍ. ສ່ວນທ່ານ Ishikane Kimihiru ເອກອັກຄະລັດຖະທູດຍີ່ປຸ່ນ ປະຈຳອາຊຽນ ຢືນຢັນຄຳໝັ້ນສັນຍາຂອງຍີ່ປຸ່ນ ສືບຕໍ່ໜູນຊ່ວຍອາຊຽນ ໃນວິວັດການພັດທະນາເສດຖະກິດ, ເຊື່ອມໂຍງເຂົ້າກັບພາກພື້ນ ແລະ ສ້າງປະຊາຄົມອາຊຽນ ໃນປີ 2015. ຍີ່ປຸ່ນ ແລະ ອາຊຽນ ພ້ອມກັນແບ່ງປັນບັນດາສິ່ງທ້າທາຍລວມ, ພ້ອມກັນປາດຖະໜາຢາກຮັກສາສັນຕິພາບ, ຄວາມສະຫງົບປອດໄພ ແລະ ສະຖຽນລະພາບຢູ່ທະເລຕາເວັນອອກ ແລະ ໃນພາກພື້ນ.