ອາເມລິກາຍາກທີ່ຈະຈັດວາງພາສີ ຕ້ານການພະຍຸງ ລາຄາສຳລັບກຸ້ງ ເເຊເຢັນຂອງ ຫວຽດນາມ
ກຸ້ງເເຊເຢັນ-ທ່າແຮງສົ່ງອອກຂອງຫວຽດນາມ
(ພາບ:gdtd.vn)
(vovworld) – ວັນທີ 7/2, ຄະນະກຳມະການການຄ້າສາກົນອາເມລິກາ ຕົກລົງຈະດຳເນີນບັນດາລະບຽບກົດໝາຍສຳລັບເຫດການຟ້ອງຮ້ອງຕ້ານການພະຍຸງລາຄາສຳລັບກຸ້ງແຊເຢັນນຳເຂົ້າຈາກຫວຽດນາມ ແລະ ປະເທດອື່ນຈຳນວນໜຶ່ງຫຼືບໍ່. ເມື່ອແລກປ່ຽນກັບນັກຂ່າວວິທະຍຸກະຈາຍສຽງຫວຽດນາມ ປະຈຳອາເມລິກາ, ທ່ານ Mathew McConkey ບໍລິສັດກົດໝາຍ Mayer Brown ຢືນຢັນວ່າ:
“ຕໍ່ໜ້າຄະນະກຳມະການການຄ້າສາກົນ, ພວກຂ້າພະເຈົ້າໄດ້ຢືນຢັນວ່າ: ກຸ້ງທຳມະຊາດຢູ່ອາເມລິກາ ແລະ ກຸ້ງລ້ຽງນຳເຂົ້າຈາກຫວຽດນາມ ແມ່ນສອງຜະລິດຕະພັນທີ່ແຕກຕ່າງກັນ ແລະ ບໍ່ມີການແກ່ງແຍ້ງຊື່ງກັນ ແລະ ກັນ. ກຸ້ງລ້ຽງຂອງຫວຽດນາມ, ອິນໂດເນເຊຍ ຫຼືຈີນ ແມ່ນຄູ່ແຂ່ງຂອງກັນ ຫາກບໍ່ແມ່ນກຸ້ງທຳມະຊາດຂອງອາເມລິກາ. ພວກຂ້າພະເຈົ້າໄດ້ຊີ້ແຈ້ງກັບຄະນະກຳມະການການຄ້າສາກົນວ່າ: ກູ້ງນຳເຂົ້າຈາກຫວຽດນາມ ຫຼືບໍ່ວ່າປະເທດໃດ ລ້ວນແຕ່ບໍ່ສາມາດກໍ່ຜົນສະທ້ອນດ້ານເສດຖະກິດຕໍ່ຂະແໜງອຸດສາຫະກຳປຸງແຕ່ງກຸ້ງຂອງອາເມລິກາ ໄດ້ ສະນັ້ນເຫດການຟ້ອງຮ້ອງນີ້ຕ້ອງຖືກຍົກເລິກ“
ຕາມທ່ານ Mathew McConkey ແລ້ວ, ໃນເຫດການຟ້ອງຮ້ອງນີ້, ຂະແໜງຜະລິດກຸ້ງຂອງຫວຽດນາມ ພວມມີທ່າໄດ້ປຽບຫຼາຍຢ່າງຄື: ຫວຽດນາມ ໄດ້ດຳເນີນບັນດາລະບຽບການດ້ານກົດໝາຍທີ່ກ່ຽວຂ້ອງຢ່າງໄວວາ, ຫວຽດນາມ ຍັງມີປະສົບການແກ້ໄຂບາງເຫດການຟ້ອງຮ້ອງຕ້ານການພະຍຸງລາຄາກ່ອນນັ້ນ.
ກ່ອນໜ້ານັ້ນ, ວັນທີ 18/1, ກະຊວງການຄ້າອາເມລິກາ ໄດ້ປະກາດຢ່າງເປັນທາງການຈະສືບສວນເຫດການຮ້ອງຟ້ອງຕ້ານການພະຍຸງລາຄາສຳລັບກຸ້ງແຊເຢັນນຳເຂົ້າຈາກຫວຽດນາມ ແລະ ບາງປະເທດອື່ນໆ. ຂໍ້ຕົກລົງດັ່ງກ່າວໄດ້ຍົກອອກມາອີງຕາມບັນດາຄຳກ່າວຜູກໂທດໄຮ້ເຫດຜົນຂອງສະຫະພັນອຸດສາຫະກຳກຸ້ງເຂດອ່າວ ກ່ຽວກັບການແກ້ງແຍ້ງບໍ່ໂປ່ງໄສລະຫວ່າງກຸ້ງທຳມະຊາດອາເມລິກາ ແລະ ກຸ້ງລ້ຽງນຳເຂົ້າ.