ອາເມລິກາ ກະກຽມ ຈັດວາງພາສີໂຕ້ຕອບຄືນທຸກຄູ່ຮ່ວມມືການຄ້າ
(VOVWORLD) - ທ່ານປະທານາທິບໍດີ Donald Trump ໄດ້ເອີ້ນວັນທີ 02 ເມສາ ເປັນວັນປົດປ່ອຍ ເມື່ອ ອາເມລິກາ ຈະຈັດວາງພາສີໂຕ້ຕອບຄືນທຸກຄູ່ຮ່ວມມືທາງດ້ານການຄ້າຂອງປະເທດນີ້. ລາຍລະອຽດກ່ຽວກັບບັນດາອັດຕາພາສີນັ້ນ, ທ່ານປະທານາທິບໍດີ Donald Trump ຈະປະກາດໃນຕອນບ່າຍວັນທີ 02 ເມສາ (ຕາມເວລາ ອາເມລິກາ).
 ທຳນຽບຂາວ (ພາບປະກອບ: THX/TTXVN) |
ຕາມທ່ານນາງ Karoline Leavitt ເລຂາຮັບຜິດຊອບດ້ານການຂ່າວຂອງທຳນຽບຂາວ ແລ້ວ, ບັນດາອັດຕາພາສີໂຕ້ຕອບຂອງ ອາເມລິກາ ຈະມີຜົນສັກສິດພາຍຫຼັງທ່ານປະທານາທິບໍດີ Donald Trump ປະກາດໃນທັນທີ, ໃນຂະນະນັ້ນ, ອັດຕາພາສີ 25% ສຳລັບລົດໂອໂຕນຳເຂົ້າ ຈະມີຜົນສັກສິດນັບແຕ່ວັນທີ 03 ເມສາ ເປັນຕົ້ນໄປ. ທ່ານນາງ Karoline ໃຫ້ຮູ້ວ່າ:
“ວັນທີ 02 ເມສາ ປີ 2025 ຈະແມ່ນໜຶ່ງໃນບັນດາວັນສຳຄັນທີ່ສຸດໃນປະຫວັດສາດຍຸກທັນສະໄໝ ອາເມລິກາ. ອາເມລິກາ ແມ່ນໜຶ່ງໃນບັນດາພື້ນຖານເສດຖະກິດເປີດທີ່ສຸດໃນໂລກ ແລະ ມີພື້ນຖານບໍລິໂພກອຸປະໂພກດີທີ່ສຸດ ໃນຂະນະທີ່ມີຫຼາຍປະເທດຕ້ອງປິດປະຕູສຳລັບການສົ່ງອອກຂອງ ອາເມລິກາ. ສິ່ງດັ່ງກ່າວ ແມ່ນບໍ່ມີຄວາມຍຸຕິທຳ ແລະ ພາໄປເຖິງສະພາວະຂາດດຸນປະຈຳປີຖືກແກ່ຍາວ ສົ່ງຜົນກະທົບຕໍ່ບັນດາຂະແໜງອຸດສາຫະກຳ ແລະ ກຳລັງແຮງງານ ອາເມລິກາ. ແຕ່ວັນທີ 02 ເມສາ ເປັນຕົ້ນໄປ, ຂໍ້ຕົກລົງຂອງທ່ານປະທານາທິບໍດີ Trump ຈະປົວແປງລັກສະນະແກ້ງແຍ້ງຂອງ ອາເມລິກາ ໃນທຸກຂະແໜງອຸດສາຫະກຳ, ຫຼຸດຜ່ອນການຂາດດຸນການຄ້າ ແລະ ປົກປັກຮັກສາຄວາມໝັ້ນຄົງດ້ານເສດຖະກິດ ແລະ ຂອງປະເທດຊາດ ອາເມລິກາ”.
ຟ້າມຮວັນ - ນັກຂ່າວ VOV ປະຈຳ ອາເມລິກາ