ທ່ານຮອງນາຍົກລັດຖະມົນຕີ ຮ່ວາງຈູງຫາຍ ແລະ ພະນັກງານ, ຜູ້ອອກແຮງງານ ບໍລິສັດໃຫຍ່ ດົງບັກ
(ພາບ: VGP/Nguyên Linh)
|
(vovworld) – ໂດຍສືບຕໍ່ການປະຕິບັດງານຢູ່ແຂວງ ກວາງນີງ, ຕອນເຊົ້າວັນທີ 10/2, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ລົງຢ້ຽມຢາມ ແລະ ເຮັດວຽກຢູ່ບໍລິສັດຫຸ້ນສ່ວນຖ່ານຫີນ ຮ່າເລີ່ມ, ກຸ່ມບໍລິສັດຖ່ານຫີນ ແລະ ບໍ່ແຮ່ ຫວຽດນາມ ແລະ ບໍລິສັດໃຫຍ່ ດົງບັກ ຂຶ້ນກັບກະຊວງປ້ອງກັນປະເທດ. ທ່ານຮອງນາຍົກລັດຖະມົນຕີ ຊີ້ນຳເພື່ອຮັບປະກັນຄວາມໝັ້ນຄົງດ້ານພະລັງງານ, ຂຸດຄົ້ນແບບຍືນຍົງ, ໄລຍະຈະມາເຖິງບັນດາຫົວໜ່ວຍຕ້ອງສຸມໃສ່ລົງທຶນກໍ່ສ້າງພື້ນຖານ, ກະກຽມຊັບພະຍາກອນ, ຊຸກຍູ້ວຽກງານຊອກຫາ, ຂຸດຄົ້ນ. ທ່ານກ່າວວ່າ:
“ສະເໜີໃຫ້ພະນັກງານ, ລັດຖະກອນຂອງ 2 ບໍລິສັດມານະພະຍາຍາມສຸມໃສ່ລົງທຶນດ້ານວັດຖຸ ແລະ ຊັບພະຍາກອນເພື່ອພັດທະນາບັນດາໂຄງການໃນໄລຍະຈະມາເຖິງ. ສ້າງເງື່ອນໄຂໃຫ້ແກ່ ບໍລິສັດໃຫຍ່ ດົງບັກ ອາດສາມາດພັດທະນາໄວກ່ວາ, ແຂງແຮງກ່ວາອີກ ເພື່ອສົມເປັນກົມກອງກອງທັບດຳເນີນທຸລະກິດຢ່າງມີປະສິດທິຜົນ ໃນໄລຍະຈະມາເຖິງ, ປະກອບສ່ວນເຂົ້າໃນການພັດທະນາແບບຍືນຍົງຂອງປະເທດຊາດ.”