ທ່ານຮອງນາຍົກລັດຖະມົນຕີ ຫງວຽນຊວນຟຸກ
ເຮັດວຽກກັບການນຳຫຼັກແຫຼ່ງແຂວງຕ່ຽນຢາງ
(ພາບ: chinhphu.vn)
(vovworld) - ຕອນເຊົ້າວັນທີ 06 ສິງຫາ, ຄະນະປະຕິບັດງານຂອງລັດຖະບານໂດຍທ່ານກຳມະການກົມການເມືອງ, ຮອງນາຍົກລັດຖະມົນຕີ ຫງວຽນຊວນຟຸກ ເປັນຫົວໜ້າຄະນະ ໄດ້ມີການເຮັດວຽກກັບການນຳຫຼັກແຫຼ່ງແຂວງຕ່ຽນຢາງ ກ່ຽວກັບສະພາບເສດຖະກິດ - ສັງຄົມໃນບໍລິເວັນແຂວງ. ກ່າວຄຳເຫັນສະຫຼຸບການເຮັດວຽກ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ການນຳແຂວງຕ່ຽນຢາງ ຈົ່ງສືບຕໍ່ເອົາໃຈໃສ່, ເບິ່ງແຍງເຖິງວຽກງານບຳລຸງສ້າງແຫຼ່ງຊັບພະຍາກອນມະນຸດ, ຫຼົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ, ໃນນັ້ນສ້າງແຜນການຍົກສູງຊີວິດການເປັນຢູ່ໃຫ້ແກ່ປະຊາຊົນຢ່າງລະອຽດ; ພ້ອມທັງລະດົມແຫຼ່ງກຳລັງລົງທຶນກໍ່ສ້າງພື້ນຖານໂຄງລ່າງຄົມມະນາຄົມ. ດ້ານອື່ນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ກໍ່ສະເໜີໃຫ້ແຂວງຕ່ຽນຢາງ ຕ້ອງສຸມໃສ່ນຳໃຊ້ວິທະຍາສາດເຕັກໂນໂລຊີເຂົ້າໃນການຜະລິດທັນຍາຫານ, ຕົ້ນໄມ້ກິນໝາກ, ສິນໃນນ້ຳ... ສຸມໃສ່ຫັນປ່ຽນໂຄງປະກອບການຜະລິດກຳສິກຳຕາມທິດເພີ່ມລາຍຮັບ. ພ້ອມທັງສ້າງບັນດາສູນປຸງແຕ່ງເຂົ້າສານ ແລະ ຜະລິດຕະພັນກະເສດທີ່ທັນສະໄໝ ແລະ ມີການຮ່ວມສຳພັນຢ່າງແໜ້ນແຟ້ນກວ່າ ແນໃສ່ນຳໃຊ້ທ່າແຮງຂອງຄອງເໝືອງ ເຈີ້ກ້າວ ເພື່ອອະນຸຍາດໃຫ້ການຂົນສົ່ງວັດຖຸດິບ (ເຂົ້າ ແລະ ບັນດາຜະລິດຕະພັນກະເສດ) ດ້ວຍຈຳນວນຫຼາຍຂອງທົ່ວເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ດ້ວຍລາຄາຕໍ່າ ແລະ ປະຢັດເວລາ.