(ພາບ:vov.vn)
(vovworld)-ຕອນເຊົ້ນວັນທີ 30/8, ຄະນະປະຕິບັດງານຂອງລັດຖະບານໂດຍທ່ານ ຮອງນາຍົກລັດຖະມົນຕີຫວູ໋ວັນນິງ ນຳໜ້າ ໄດ້ເຮັດວຽກກັບການນຳຄະນະກຳມະການ ປຊຊ ນະຄອນໂຮ່ມິມິນ ກ່ຽວກັບການປະຕິບັດໜ້າທີ່ພັດທະນາເສດຖະກິດ-ສັງຄົມ-ວັດທະນະທຳແຕ່ປີ 2011-2013 ແລະ ບັນດາມາດຕະການຈຸດສຸມຮອດປີ 2015. ໃນໄລຍະ 2011-2013, ຍອດຜະລິດຕະພັນພາຍໃນສະເລ່ຍໃນ 3 ປີ ເພີ່ມຂຶ້ນ 9,5%. ລະດັບການເຕີບໂຕເສດຖະກິດນະຄອນເພີ່ມຂຶ້ນທົບ 1,8 ເທົ່າເມື່ອທຽບກັບທົ່ວປະເທດ, ໃນນັ້ນການບໍລິການມີລະດັບການເຕີບໂຕສູງກ່ວາໝູ່ດ້ວຍ 11%/ປີ, ຖັດມາແມ່ນອຸດສາຫະກຳ ແລະ ກໍ່ສ້າງ ດ້ວຍລະດັບ 7,7%. ທີ່ການເຮັດວຽກ, ທ່ານ ຮອງນາຍົກລັດຖະມົນຕີຫວູ໋ວັນນິງ ເນັ້ນນັກວ່າ: ດ້ວຍບົດບາດແມ່ນສູນເສດຖະກິດ-ວັດທະນະທຂອງທັງປະເທດ, ນະຄອນໂຮ່ມິມິນ ຕ້ອງມີຫຼາຍມາດຕະການບຸກທະລຸກ່ວາອີກເພື່ອປະຕິບັດບັນດາຈຸດໝາຍແຕ່ນີ້ຮອດປີ 2015 ສຳເລັດ. ນີ້ກໍ່ແມ່ນພື້ນຖານເພື່ອໃຫ້ລັດຖະບານຕີລາຄາໝາກຜົນແຫ່ງການປະຕິບັດມະຕິກອງປະຊຸມໃຫ່ຍພັກທົ່ວປະເທດຄັ້ງທີ 11 ຢູ່ທ້ອງຖິ່ນຕ່າງໆ ແລະ ມີບັນດາກົນໄກ, ນະໂຍບາຍໜູນຊ່ວຍເພື່ອປະຕິບັດບັນດາໜ້າທີ່ສຳເລັດ ໃນສະພາບການເສດຖະກິດຍັງປະສົບກັບຄວາມຫຍຸ້ງຍາກຫຼາຍຢ່າງຄືປະຈຸບັນ.