(vovworld) – ຕາມກົມລົງທຶນຕ່າງປະເທດ, ຂຶ້ນກັບກະຊວງແຜນການ ແລະ ການລົງທຶນ ຫວຽດນາມ ແລ້ວ, ຮອດທ້າຍເດືອນ 4, ຍອດວົງເງິນລົງທຶນໂດຍກົງຈາກຕ່າງປະເທດຖືກຈົດທະບຽນໃໝ່ ແລະ ເພີ່ມເຕີ່ມບັນລຸ 8,2 ຕື້ USD, ເພີ່ມ ຂຶ້ນ 17% ເມື່ອທຽບໃສ່ໄລຍະດຽວກັນຂອງປີກາຍ. ການປ່ອຍເງິນຄາດວ່າບັນລຸ 3,75 ຕື້ USD, ເພີ່ມຂຶ້ນ 3,9% ເມື່ອທຽບໃສ່ໄລຍະດຽວກັນຂອງປີກາຍ. ບັນດາຂົງເຂດທີ່ດຶງດູດໂຄງການລົງທຶນຫຼາຍທີ່ສຸດແມ່ນ: ອຸດສາຫະກຳປຸງແຕ່ງ, ອະສັງຫະລິມະຊັບ, ຂາຍສົ່ງ, ຂາຍຍ່ອຍ, ສ້ອມແປງ. ແຂວງ ແທງຮ້ວາ ສືບຕໍແມ່ນທ້ອງຖິ່ນດຶງດູດເງິນລົງທຶນຈາກຕ່າງປະເທດຫຼາຍທີ່ສຸດ ດ້ວຍທຶນຈົດທະບຽນໃໝ່ ແລະ ເພີ່ມເຕີ່ມບັນລຸ 2,8 ຕື້ USD, ຢື່ນອັນດັບ 2 ແມ່ນ ໄຕງວຽນ, ຈາກນັ້ນແມ່ນ ບິ່ນດິ້ງ. ໃນ 4 ເດືອນຕົ້ນປີນີ້, ມີ 37 ປະເທດ ແລະ ເຂດແຄ້ວນລົງທຶນເຂົ້າ ຫວຽດນາມ, ໃນນັ້ນ ຍີ່ປຸ່ນ ແມ່ນປະເທດນຳໜ້າ.