ເບິ່ງແຍງດູແລບຸນເຕັດໃຫ້ຄົນທຸກຍາກ
ພາບປະກອບ
(vovworld) – ການເຄື່ອນໄຫວຕ່າງໆເບິ່ງແຍງດູແລບຸນເຕັດໃຫ້ຄົນທຸກຍາກໄດ້ ແລະ ພວມໄດ້ຮັບການຜັນຂະຫຍາຍໃນທົ່ວປະເທດ.
ແຕ່ວັນທີ 23/1 ຮອດວັນທີ 27/1, ບໍລິສັດປະກັນຊີວິດ Prudential ຫວຽດນາມ ສົມທົບກັບຄະນະກຳມະການແນວໂຮມປະເທດຊາດ ຫວຽດນາມ, ຫ້ອງການແຮງງານ - ທະຫານເສຍອົງຄະ ແລະ ສັງຄົມຢູ່ເມືອງຕ່າງໆໃນນະຄອນ ໂຮ່ຈີມິນ ໄດ້ມອບຂອງຂວັນບຸນເຕັດ 320 ພູດ ດ້ວຍຍອດມູນຄ່າ 170 ລ້ານດົ່ງໃຫ້ແກ່ບັນດາບຸກຄົນ, ຄອບຄົວທຸກຍາກຕ້ອນຮັບບຸນປີໃໝ່ປະຈຳຊາດ ປີມະເມຍ 2014. ນີ້ແມ່ນໜຶ່ງໃນບັນດາການເຄື່ອນໄຫວປະຈຳປີຂອງ Prudential ຫວຽດນາມ ທີ່ໄດ້ຮັບການປະຕິບັດໃນຫຼາຍປີຜ່ານມາ. ກ່ອນໜ້ານັ້ນ, Prudential ຫວຽດນາມ ໄດ້ຈັດຕັ້ງການເຄື່ອນໄຫວຢື້ຢາມຖາມຂ່າວ, ມອບຂອງຂວັນປີໃໝ່ໃຫ້ບັນດາເປົ້າໝາຍປະສົບກັບຄວາມຫຍຸ້ງຍາກເປັນພິເສດ ຫຼື ແມ່ນເປົ້າໝາຍນະໂຍບາຍຢູ່ທ້ອງຖີ່ນຕ່າງໆໃນທົ່ວປະເທດດ້ວຍຍອດຈຳນວນເງິນກ່ວາ 550 ລ້ານດົ່ງ.
ແຕ່ວັນທີ 18 – 24/1, ພະແນກ ອຸດສາຫະກຳ - ການຄ້າ ຮ່າໂນ້ຍ ໄດ້ຈັດຕັ້ງໃຫ້ບັນດາວິສາຫະກິດການຄ້ານຳສິນຄ້າທີ່ຈຳເປັນໄປຮັບໃຊ້ພໍ່ແມ່ປະຊາຊົນ 13 ແຂວງໃນເຂດພູດອຍ, ສ້າງເງື່ອນໄຂໃຫ້ພໍ່ແມ່ປະຊາຊົນໃນເຂດພູດອຍຕ້ອນຮັບບຸນປີໃໝ່ປະຈຳຊາດ ປີມະເມຍ ດ້ວຍຄວາມເບີກບານມ່ວນຊື່ນ ແລະ ສົມບູນພູນສຸກ.
ວັນທີ 23/1, ການນຳແຂວງ ກວາງນາມ ແລະ ນະຄອນ ໂຮ້ຍອານ, ກອງບັນຊາການທະຫານປ້ອງກັນຊາຍແດນ, ສະຫະພັນແຮງງານ ແຂວງ ໄດ້ລົງອວຍພອນປີໃໝ່ ແລະ ມອບຂອງຂວັນເກືອບ 100 ພູດເຊິ່ງລວມມີ: ເຂົ້າ, ເຂົ້າໜົມຊະນິດຕ່າງໆ ແລະ ເຄື່ອງໃຊ້ໄມ້ສອຍຮັບໃຊ້ບຸນເຕັດໃຫ້ແກ່ປະຊາຊົນ ແລະ ນັກຮົບໃນເກາະ ກູ່ລາວຈາມ, ນະຄອນ ໂຮ້ຍອານ.