ເປີດສະຫລອງລະບົບຮ້ານຊັບພະສິນຄ້າຂາຍຜະລິດຕະພັນກະເສດ,ອາຫານປອດສານພິດຢູ່ຫວຽດນາມ
(vovworld)- ຕອນບ່າຍວັນທີ 9/11, ກ່າວຄຳເຫັນທີ່ພິທີເປີດສະຫລອງລະບົບຮ້ານຊັບພະສິນຄ້າຂາຍຜະລິດຕະພັນກະເສດ, ອາຫານປອດສານພິດ ຢູ່ຫວຽດນາມ ໄດ້ຈັດຂຶ້ນຢູ່ຮ່າໂນ້ຍ, ທ່ານປະທານສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ຢືນຢັນວ່າ: ລະບົບຮ້ານຊັບພະສິນຄ້ານີ້ ແມ່ນບາດກ້າວທຳອິດໃນຍຸດທະສາດຂາຍຜະລິດຕະພັນກະເສດປອດສານພິດໃຫ້ແກ່ຊາວຫວຽດນາມ, ມີຄວາມໝາຍເຊື່ອມຕໍ່ລະຫວ່າງຊາວກະສິກອນ ແລະ ສະຫະກອນ ກັບບັນດາວິສາຫະກິດ ເພື່ອຈຳຫນ່າຍຜະລິດຕະພັນ ພ້ອມທັງຮູ້ຈັກເຖິງຄວາມຕ້ອງການຂອງຜູ້ໃຊ້ສອຍເພື່ອແຈ້ງໃຫ້ຜູ້ຜະລິດສິນຄ້າ. ທ່ານ ຫງວຽນທ້ຽນເຍີນ ໃຫ້ຮູ້ວ່າ:
“ຂ້າພະເຈົ້າເຫັນວ່າ ນີ້ແມ່ນຮູບແບບທີ່ດີ, ບົນພື້ນຖານຮູບແບບນີ້, ບັນດາຜະລິດຕະພັນມີຄຸນນະພາບສູງທີ່ສົ່ງອອກ ໄດ້ນຳເອົາມາຂາຍໃນລະບົບຮ້ານຊັບພະສິນຄ້າ. ສະຫະພັນສະຫະກອນ ຈຳຫນ່າຍ ຜະລິດຕະພັນກະເສດຂອງຫວຽດນາມ ແມ່ນຢູ່ໃນຂັ້ນສູງສຸດ ເພື່ອສົ່ງເສີມການຊອກຮູ້ຕະຫລາດແຫ່ງຊາດ ແລະ ການສົ່ງອອກ.”