ເຝິກຊ້ອມຊອກຫາກູ້ໄພກູ້ຊີບທາງການບິນໃຫຍ່ກວ່າໝູ່ນັບແຕ່ກ່ອນມາ
ທ່ານຮອງນາຍົກລັດຖະມົນຕີ ຮ່ວາງຈູງຫາຍ, ປະທານ
ຄະນະກຳມະການແຫ່ງຊາດຊອກຫາກູ້ໄພກູ້ຊີບ
(ພາບ: dantri.com.vn)
(vovworld) - ຕອນເຊົ້າວັນທີ 10/11, ຢູ່ເຂດທະເລ ງີໂລກ, ແຂວງ ເງ້ອານ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ, ປະທານຄະນະກຳມະການແຫ່ງຊາດຊອກຫາກູ້ໄພກູ້ຊີບ, ຫົວໜ້າຄະນະຊີ້ນຳປ້ອງກັນຄວາມສະຫງົບປອດໄພທາງການບິນຫວຽດນາມ, ໄດ້ຊີ້ນຳການເຝິກຊ້ອມລະດັບຊາດກ່ຽວກັບການຊອກຫາກູ້ໄພກູ້ຊີບທາງການບິນພົນລະເຮືອນ, ສຳລັບເຮືອບິນຖືກອຸປະຕິເຫດ, ຂາດການຕິດຕໍ່. ເຂົ້າຮ່ວມການເຝິກຊ້ອມມີບັນດາກຳລັງທະຫານ, ກຳລັງເດີນທະເລ, ການບິນ ແລະ ກຳລັງທ້ອງຖີ່ນ. ຄະນະຊີ້ນຳໄດ້ຈັດສົ່ງກຳລັງຍົນເອລີກອບແຕ, ກຳ່ປັ່ນເດີນທະເລ, ກຳ່ປັ່ນຊອກຫາກູ້ໄພກູ້ຊີບ, ກຳລັງຕຳຫຼວດທະເລ, ກຳລັງທ້ອງຖີ່ນ, ກຳລັງປ້ອງກັນຊາຍແດນ, ກຳລັງດັບເພີງ…
ຊີ້ນຳການເຝິກຊ້ອມ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນໜັກວ່າ, ການເຝິກຊ້ອມຊອກຫາກູ້ໄພກູ້ຊີບທາງການບິນ ແມ່ນການເຄື່ອນໄຫວທີ່ຈຳເປັນ ແລະ ມີປະໂຫຍດທີ່ສຸດ ເພື່ອໃຫ້ຂະແໜງຄົມມະນາຄົມຂົນສົ່ງ, ການບິນຫຼໍ່ຫຼອມ, ຍົກສູງຄວາມສາມາດຈັດຕັ້ງການບັນຊາ, ບໍລິຫານວຽກງານກູ້ໄພກູ້ຊີບ. ນີ້ກໍ່ແມ່ນໂອກາດເພື່ອຕີລາຄາ, ກວດກາ, ກ່ຽວກັບຄວາມສາມາດຮັບມື, ບໍລິຫານ, ການສົມທົບກັນຂອງບັນດາກຳລັງເຂົ້າຮ່ວມການຮັບມື, ແກ້ໄຂສະພາບເມື່ອມີເຫດການເກີດຂຶ້ນ.