(vovworld) - ໃນລະຫວ່າງວັນທີ 12 -13/3, ຄະນະຜູ້ແທນການທະຫານຂັ້ນສູງ ຫວຽດນາມ ໂດຍທ່ານພົນເອກ ຟຸ່ງກວາງແທງ, ລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າໄດ້ໄປຢ້ຽມຢາມ ທະຫານເຮືອເຂດ 3 ຂອງພະບໍລົມວົງສານຸວົງ ໄທ. ທີ່ການເຮັດວຽກ, ທ່ານລັດຖະມົນຕີ ຟຸ່ງກວາງແທງ ເນັ້ນໜັກວ່າການພົວພັນຮ່ວມມືດ້ານປ້ອງກັນຊາດ ຫວຽດນາມ - ໄທ, ພິເສດແມ່ນໃນຂົງເຂດກອງທັບເຮືອ, ໄດ້ ແລະ ພວມມີບົດບາດສຳຄັນໃນການປັບປຸງ ແລະ ພັດທະນາການພົວພັນມິດຕະພາບອັນດີງາມລະຫວ່າງ 2 ປະເທດ. ທ່ານ ລັດຖະມົນຕີ ຟຸ່ງກວາງແທງ ຖືວ່າ: ໃນໄລຍະຈາມາເຖິງ, ທະຫານເຮືອ 2 ປະເທດ ຄວນສືບຕໍ່ຍູ້ແຮງການຮ່ວມມື ແລະ ແລກປ່ຽນບົດຮຽນເພື່ອພ້ອມກັນປະກອບສ່ວນຮັບປະກັນສັນຕິພາບ, ສະຖຽນລະພາບໃນພາກພື້ນ, ສ້າງສະພາບແວດລ້ອມສະດວກສະບາຍ ເພື່ອພັດທະນາປະເທດຊາດ:
“2 ຝ່າຍໄດ້ແລກປ່ຽນນຳກັນວ່າໃນໄລຍະຈະມາເຖິງຕ້ອງຊຸກຍູ້ການຮ່ວມມືດ້ານປ້ອງກັນຊາດ 2 ຝ່າຍ. ຕໍ່ໜ້າຄວາມຕ້ອງການຮ່ວມມືດ້ານກອງທັບເຮືອ, 2 ຝ່າຍຄວນຊຸກຍູ້ ຕື່ມກ່ຽວກັບການຮ່ວມມືດ້ານກອງທັບເຮືອ ເພື່ອຮັບປະກັນຄວາມສະຫງົບປອດໄພບົນທະເລ. 2 ຝ່າຍໄດ້ຍູ້ແຮງບັນຫາແລກປ່ຽນຄະນະທຸກຂັ້ນໄປມາຮຳ່ຮຽນເອົາບົດຮຽນເຊິ່ງກັນ ແລະ ກັນ, ແລກປ່ຽນກ່ຽວກັບຂົງເຂດວັດທະນະທຳ, ຂໍ້ມູນຂ່າວສານ ກໍ່ຄືການສົບທົບກັນໃນບັນດາເວທີປາໄສຫຼາຍຝ່າຍຢູ່ພາກພື້ນ.”
ກ່ອນໜ້ານັ້ນ, ໃນການເຈລະຈາເມື່ອວັນທີ 11/3 ກັບ ທ່ານ ລັດຖະມົນຕີກະຊວງປ້ອງກັນປະເທດ ໄທ ສຸກຳພົນ ສຸວັນນະທັດ, 2 ຝ່າຍໄດ້ເຫັນດີເປັນເອກະພາບຍູ້ແຮງການຮ່ວມມືດ້ານປ້ອງກັນຊາດ 2 ຝ່າຍຕາມເນື້ອໃນຈິດໃຈຂໍ້ຕົກລົງຮ່ວມມືປ້ອງກັນຊາດເຊິ່ງ 2 ຝ່າຍໄດ້ລົງນາມໃນເດືອນ 9/2012. 2 ຝ່າຍໄດ້ເປັນເອກະພາບກັນຖືວ່າ: ດ້ວຍບົດບາດແມ່ນຜູ້ປະສານງານ ອາຊຽນ - ຈີນ, ໄທ ຈະຊຸກຍູ້ສາຍພົວພັນ ອາຊຽນ - ຈີນ ໃຫ້ພັດທະນາຢ່າງດີງາມ, ມຸ້ງໄປເຖິງການສ້າງຫຼັກການກ່ຽວກັບການປະພຶດຕໍ່ບົນທະເລຕາເວັນອອກ (COC), ປະກອບສ່ວນຮັກສາສັນຕິພາບ ແລະ ສະຖຽນລະພາບໃນພາກພື້ນ.