ເພີ່ມທະວີການຮ່ວມມື, ແບ່ງປັນຂໍ້ມູນຂ່າວ, ຮັບປະກັນຄວາມສະຫງົບ, ປອດໄພບົນທະເລ
ກອງປະຊຸມຜູ້ບັນຊາການກຳລັງປະຕິບັດກົດໝາຍ
ບົນທະເລບັນດາປະເທດຂຶ້ນກັບອ່າວໄທຄັ້ງທີ 3
(ພາບ: tuoitre.vn)
(vovworld) – ເພີ່ມທະວີການຮ່ວມມື, ແບ່ງປັນຂໍ້ມູນຂ່າວ, ຮັບປະກັນຄວາມສະຫງົບ, ປອດໄພບົນທະເລ, ແມ່ນຫົວຂໍ້ຂອງກອງປະຊຸມຜູ້ບັນຊາການກຳລັງປະຕິບັດກົດໝາຍບົນທະເລບັນດາປະເທດຂຶ້ນກັບອ່າວໄທຄັ້ງທີ 3, ເຊິ່ງໄຂຂຶ້ນໃນຕອນເຊົ້າວັນທີວັນທີ 14/1, ຢູ່ນະຄອນດ່ານັ້ງ. ເຂົ້າຮ່ວມກອງປະຊຸມມີກຳລັງຕຳຫຼວດທະເລທີ່ປະຕິບັດກົດໝາຍບົນທະເລຂອງກຳປູເຈຍ, ມຽນມາ ໄທ ແລະ ຫວຽດນາມ.
ກອງປະຊຸມເພື່ອແນໃສ່ຕີລາຄາໝາກຜົນແຫ່ງການຮ່ວມມືລະຫວ່າງປະເທດຕ່າງໆ ກໍ່ຄືສະພາບຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຢູ່ເຂດອ່າວໄທ, ແບ່ງປັນບົດຮຽນ, ຍົກສູງປະສິດທິຜົນການປະຕິບັດກົດໝາຍບົນທະເລ... ຈາກນັ້ນກຳນົດຄາດໝາຍ ແລະ ຂົງເຂດຮ່ວມມືລວມລະຫວ່າງປະເທດຕ່າງໆ ເພື່ອຮັບປະກັນຄວາມປອດໄພບົນທະເລໃນພາກພື້ນ. ພົນຈັດຕະວາ ຫງວຽນກວາງດ້າມ, ຜູ້ບັນຊາການກຳລັງຕຳຫຼວດທະເລຫວຽດນາມ, ຖືວ່າ:
“ໄລຍະຜ່ານມາ, ກຳລັງຕຳຫຼວດທະເລພ້ອມກັບກຳລັງອື່ນໆ ໄດ້ປະຕິບັດກົດໝາຍບັນທະເລເປັນຢ່າງດີ ເພື່ອຮັບປະກັນສິດຜົນປະໂຫຍດອັນຊອບທຳຂອງຊາວປະມົງຫວຽດນາມ. ການເຄື່ອນໄຫວຂອງພວກເຮົາສະແດງໃຫ້ເຫັນວ່າ ຫວຽດນາມ ນັບມື້ນັບມີທີ່ຕັ້ງສຳຄັນໃນບັນດາປະເທດອາຊຽນ ແລະ ພິເສດແມ່ນໃນບັນດາປະເທດທີ່ຂຶ້ນກັບເຂດອ່າວ“