ການພົບປະ, ເຮັດວຽກລະຫວ່າງສອງຝ່າຍ (ພາບ: TTXVN)

ກ່າວຄຳເຫັນທີ່ການເຮັດວຽກ, ທ່ານເອກອັກຄະລັດຖະທູດ ລາວ ປະຈຳ ຫວຽດນາມ ແສງເພັດ ຮຸ່ງບຸນຍວງ ຢັ້ງຢືນວ່າ ເຫດການນີ້ ໄດ້ສະແດງໃຫ້ເຫັນສາຍພົວພັນທີ່ໃກ້ຊິດສະໜິດສະໜົມ ແລະ ເປັນມູນເຊື້ອອັນດີງາມຂອງຄວາມສາມັກຄີແບບພິເສດ ເຊິ່ງພະນັກງານ, ນັກຮົບກອງທັບປະຊາຊົນ ຫວຽດນາມ ສະຫງວນໃຫ້ແກ່ ປະຊາຊົນ ລາວ; ພ້ອມທັງປາດຖະໜາວ່າ, ໄວໜຸ່ມສອງປະເທດ ຈະສືບຕໍ່ຮັກສາ ແລະ ເສີມຂະຫຍາຍສາຍພົວພັນແບບພິເສດນີ້ໃຫ້ໝັ້ນແກ່ນ.   ນາຍພົນຈັດຕະວາ ຫງວຽນກວັກຢວຽດ, ຜູ້ບັນຊາການກອງບັນຊາການກຳລັງນະຄອນຫຼວງ ຮ່າໂນ້ຍ ຢັ້ງຢືນວ່າ: ກອງບັນຊາການກຳລັງນະຄອນຫຼວງ ຮ່າໂນ້ຍ ຍາມໃດກໍຊາບຊຶມນະໂຍບາຍການຕ່າງປະເທດຂອງພັກ ແລະ ລັດ ຫວຽດນາມ, ຍາມໃດກໍຖືສາຍພົວພັນກັບ ລາວ ແມ່ນສາຍພົວພັນແບບພິເສດ ແລະ ມີຄວາມສຳຄັນ, ພຽງແຕ່ໜຶ່ງບໍ່ມີສອງໃນການພົວພັນສາກົນ. ທັດສະນະສະເໝີຕົ້ນສະເໝີປາຍຂອງຫວຽດນາມ ແມ່ນເສີມຂະຫຍາຍນ້ຳໃຈຄວາມສາມັກຄີມິດຕະພາບແບບພິເສດ ກັບ ລາວ ແລະ ປາດຖະໜາວ່າ ລາວ ຈະຮັກສາເອກະລາດ, ອະທິປະໄຕ, ສະຖຽນລະພາບໃຫ້ໝັ້ນຄົງ ແລະ ນັບມື້ນັບພັດທະນາ.