ພາບເອກະສານ
|
(vovworld)- ເພື່ອສະເຫລີມສະຫລອງ 40 ປີແຫ່ງວັນປົດປ່ອຍພາກໃຕ້ຫວຽດນາມ, ໂຮມປະເທດຊາດເປັນເອກະພາບ (30/4/1975- 30/4/2015), ຕອນເຊົ້າວັນທີ 24/4, ຫໍພິພິດທະພັນປະຫວັດສາດແຫ່ງຊາດ ຢູ່ ນະຄອນຫລວງ ຮ່າໂນ້ຍ ໄດ້ໄຂງານວາງສະແດງຫົວເລື່ອງ: “ປະຊາຊົນໂລກສາມັກຄີກັບຫວຽດນາມໃນການຕໍ່ສູ້ໂຮມປະເທດຊາດເປັນເອກະພາບ 1954-1975”. ງານວາງສະແດງໄດ້ແນະນຳ 130 ຮູບພາບ, ເອກະສານ, ວັດຖຸພັນ ຊື່ງໄດ້ວາດພາບຂະບວນການປະຊາຊົນໂລກສາມັກຄີ, ສະຫນັບສະຫນູນ ຫວຽດນາມ ສ້າງເປັນກຳລັງແຮງອັນໃຫຍ່ຫລວງ, ປະກອບສ່ວນເຂົ້າໃນໄຊຊະນະການເມືອງ, ການທູດ, ການທະຫານ, ສ້າງເປັນໄຊຊະນະລະດູບານໃຫມ່ປີ 1975, ປົດປ່ອຍພາກໃຕ້ຫວຽດນາມຢ່າງສົມບູນ, ໂຮມປະເທດຊາດເປັນເອກະພາບ. ປະລິຍາໂທ ເຈີນທີຖູຍ, ຮອງຫົວຫນ້າຫ້ອງວາງສະແດງ ຂອງຫໍພິພິດທະພັນປະຫວັດສາດແຫ່ງຊາດ ໃຫ້ຮູ້ວ່າ:
“ນີ້ແມ່ນຊຸດເອກະສານ, ວັດຖຸພັນ, ຮູບພາບມີຄຸນຄ່າກ່ຽວກັບປະຫວັດສາດ, ວັດທະນະທຳ ແລະ ວັດທະນະທຳມະນຸດ. ຜ່ານການວາງສະແດງນີ້ ຜູ້ຊົມສາມາດເຫັນໄດ້ ປະຊາຊົນຮັກຫອມສັນຕິພາບໃນໂລກສາມັກຄີ, ສະຫນັບສະຫນູນປະຊາຊົນຫວຽດນາມ ກ່ຽວກັບທາງດ້ານວັດຖຸ ແລະ ຈິດໃຈ. ຂະບວນການສະຫນັບສະຫນູນຫວຽດນາມ ດຳເນີນໄປຢ່າງກວ້າງຂວາງ ແລະ ເລິກເຊິ່ງໃນປະຊາຊົນທຸກຊັ້ນວັນນະໃນໂລກ.”