ປະເທດເຢັຍລະມັນ
(ພາບ: vietbao.vn)
( vovworld ) –ນັກຂ່າວຂ່າວສານຫວຽດນາມ ປະຈຳເຢຍລະມັນ ໃຫ້ຂ່າວວ່າ, ບັນດາພັກການເມືອງຕົ້ນຕໍຂອງປະເທດນີ້ ໄດ້ເຫັນດີສະເໜີທ່ານ Joachim Gauck ນັກຄົ້ນຄ້ວາດ້ານສິດທິມະນຸດເຢຍລະມັນຕາເວັນອອກ ເປັນຜູ້ອອກສະໝັກຮັບເລືອກຕັ້ງປະທານາທິບໍດີເຢຍລະມັນ ແທນໃຫ້ປະທານາທິບໍດີຜູ້ທີ່ຫາກໍລາອອກຈາກຕຳແໜ່ງ Christian Wulff. ຄຳປະກາດດັ່ງກ່າວໂດຍທ່ານນາງ Angela Merkel ນາຍົກລັດຖະມົນຕີເຢຍລະມັນຍົກອອກມາເມື່ອຕອນຄ່ຳວັນທີ 19/2 ພາຍຫລັງການພົບປະກັບປະທານບັນດາພັກພັນທະມິດປະຊາທິປະໄຕສັງຄົມ, ພັກປະຊາທິປະໄຕເສລີພາບ, ພັກປະຊາທິປະໄຕສັງຄົມ ແລະ ພັກຂຽວ. ກ່າວຄຳເຫັນທີ່ການປະຊຸມຂ່າວທີ່ສຳນັກງານນາຍົກລັດຖະມົນຕີ, ທ່ານນາງ Merkel ໄດ້ຮັບຮູ້ການສະໜັບສະໜູນທີ່ມີຕໍ່ທ່ານ Joachim Gauck . ຕາມໝາກຜົນແຫ່ງການຢັ່ງຫາງສຽງຫວ່າງແລ້ວນີ້ຂອງໜັງສືພິມລາຍສັບປະດາ “Bild am Sonntag“, ຜູ້ແທນໃນກອງປະຊຸມສະຫະພັນ 54% ໄດ້ສະໜັບສະໜູນທ່ານ Joachim Gauck ດຳລົງຕຳແໜ່ງນີ້.