(ພາບ:baomoi.com)
(vovworld)- ຕອນເຊົ້າວັນທີ 3/6, ຢູ່ຮ່າໂນ້ຍ, ໄດ້ຈັດໃຫ້ມີເວທີປາໄສວິສາຫະກິດຫວຽດນາມ ກາງສະໄໝປີ 2013 ດ້ວຍຫົວເລື່ອງ “ໄລຍະໃໝ່ໃນການປະຕິຮູບເສດຖະກິດ: ຈາກໂຄງການດຳເນີນງານ ເຖິງການກະທຳ”. ກ່າວຄຳເຫັນນະທີ່ນີ້, ຕາງໜ້າໃຫ້ລັດຖະບານຫວຽດນາມ, ທ່ານຮອງນາຍົກລັດຖະມົນຕີຫວູ໋ວັນນິງ ໄດ້ຕີລາຄາສູງການປະກອບສ່ວນຂອງບັນດາອົງການ, ສະຫະສະມາຄົມ, ອົງການຈັດຕັ້ງສາກົນຢູ່ຫວຽດນາມ ໃນການຊຸກຍູ້ການພົວພັນຮ່ວມມືດ້ານເສດຖະກິດ ການລົງທຶນລະຫວ່າງຫວຽດນາມ ກັບປະເທດຕ່າງໆ ແລະ ສະໜັບສະໜູນຫວຽດນາມ ໃນວິວັດການເຊືອ່ມໂຍງເຂົ້າກັບສາກົນ. ທ່ານຮອງນາຍົກລັດຖະມົນຕີຫວູ໋ວັນນິງ ເນັ້ນໜັກວ່າ:
“ສືບຕໍ່ປະຕິບັດບັນດາມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດຢ່າງມີປະສິດທິຜົນ, ໂດຍສະເພາະແມ່ນບັນດານະໂຍບາຍໂຈະ, ຫລຸດ ຜ່ອນອາກອນ ແລະ ນະໂຍບາຍໜູນຊ່ວຍສິນເຊື່ອ. ປະຕິບັດບັນດາມາດຕະການພັດທະນາຕະຫຼາດພາຍໃນປະເທດ ພ້ອມທັງຍູ້ແຮງການສົ່ງອອກ. ເພີ່ມທະວີການສົມທົບກັນໃນວຽກງານຄຸ້ມຄອງຕະຫຼາດ, ລາຄາ. ສະກັດກັ້ນສະພາບຄອບງຳຕະຫຼາດ, ຄ້າຂາຍເຖື່ອນ”.