ເສີມຂະຫຍາຍບົດບາດຂອງຜູ້ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າກ່ວາອີກ
ພາບປະກອບ
(vovworld) – ພາຍຫຼັງ 5 ປີແຫ່ງການປະຕິບັດຄຳສັ່ງຂອງນາຍົກລັດຖະມົນຕີ ກ່ຽວກັບການເສີມຂະຫຍາຍບົດບາດຂອງຜູ້ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍໃນພາລະກິດສ້າງສາ ແລະ ປົກປັກຮັກສາປະເທດຊາດ, ວຽກງານຂົນຂວາຍ, ເສີມຂະຫຍາຍບົດບາດຂອງຜູ້ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍຮັບການກຳນົດຈາກພັກ, ອຳນາດການປົກຄອງ, ແນວໂຮມປະເທດຊາດ ທຸກຂັ້ນແມ່ນເນື້ອໃນສຳຄັນມີຄວາມໝາຍດ້ານການເມືອງຢ່າງໃຫຍ່ຫຼວງ ປະກອບສ່ວນພັດທະນາເສດຖະກິດ - ສັງຄົມ, ສ້າງລະບອບການເມືອງຂັ້ນຮາກຖານຢ່າງເຂັ້ມແຂງ, ເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນ. ນີ້ແມ່ນເນື້ອໃນຂອງກອງປະຊຸມສະຫລຸບ 5 ປີແຫ່ງການປະຕິບັດຄຳສັ່ງຂອງນາຍົກລັດຖະມົນຕີ ກ່ຽວກັບການເສີມຂະຫຍາຍບົດບາດຂອງຜູ້ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍໃນພາລະກິດສ້າງສາ ແລະ ປົກປັກຮັກສາປະເທດຊາດ, ໂດຍຄະນະກຳມະການສູນກາງແນວໂຮມປະເທດຊາດ ຫວຽດນາມ ສົມທົບກັບກະຊວງຕຳຫຼວດ ແລະ ຄະນະກຳມະການຊົນເຜົ່າ ຈັດຕັ້ງໃນວັນທີ 19/10, ຢູ່ຮ່າໂນ້ຍ.
ກ່າວຄຳເຫັນທີກອງປະຊຸມ, ລັດຖະມົນຕີ - ຫົວໜ້າຄະນະກຳມະການຊົນເຜົ່າ ຢ່າງແຊວຝື ຢືນຢັນວ່າ:
“ສຳລັບເຂດຊົນເຜົ່າສ່ວນໜ້ອຍ, ພິເສດແມ່ນເຂດຊົນນະບົດ, ເຂດຫ່າງໄກຊອກຫຼີກປະສົບກັບຄວາມຫຍຸ້ງຍາກເປັນພິເສດນັ້ນ, ລະບົບກົດໝາຍ, ກົດລະບຽບບ້ານເມືອງແມ່ນເຂັ້ມຂົ້ນໄປດ້ວຍລັກສະນະຊົນເຜົ່າໄດ້ຄອບຫງຳບັນດາການເຄື່ອນໄຫວສົ່ງຜົນສະທ້ອນເຖິງຊີວິດການເປັນຢູ່ຂອງປະຊາຊົນບັນດາເຜົ່າ, ເຂດຊຸມຊົນ. ຜູ້ມີອິດທິພົນຊື່ສຽງມີບົດບາດແມ່ນແກ່ນສານໃນການເຄື່ອນໄຫວຢ່າງແທ້ຈິງ, ປະຕິບັດວຽກງານລະອຽດ ເພື່ອເປັນແບບຢ່າງ ແລະ ຕັ້ງໜ້າຂົນຂວາຍສຶກສາອົບຮົມລູກຫຼານໃນວົງຕະກຸນ ແລະ ປະຊາຄົມເຂົ້າຮ່ວມການຮັກສາຄຸນຄ່າວັດທະນະທຳຂອງຊາດ”
ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ຄະນະພັກ, ອຳນາດການປົກຄອງ ແລະ ທ້ອງຖິ່ນຄວນຮັບຮູ້ກ່ຽວກັບບົດບາດຂອງຜູ້ມີອິດທິພົນຊື່ສຽງກ່ວາອີກ, ພ້ອມທັງສືບຕໍ່ປະຕິບັດບັນດາກົນໄກ, ນະໂຍບາຍເພື່ອສືບຕໍ່ເສີມຂະຫຍາຍແບບຢ່າງຂອງຜູ້ມີອິດທິພົນຊື່ສຽງ, ສ້າງເງື່ອນໄຂໃຫ້ຜູ້ມີອິດທິພົນຊື່ສຽງອຸທິດສ່ວນ, ປະກອບສ່ວນ, ຮັບປະກັນຄວາມເປັນລະບຽບຮຽບຮ້ອຍທາງສັງຄົມຢູ່ເຂດພູດອຍ, ພິເສດແມ່ນເຂດຫ່າງໄກຊອກຫຼີກ, ເຂດປະສົບກັບຄວາມຫຍຸ້ງຍາກເປັນພິເສດ.