ອາເມລິກາ: ເຫດການ 11/9 ຄົບຮອບ 11 ປີ
(ພາບ:vtv.vn)
(vovworld)- ກ່ອນນີ້ 11 ປີ, ເຫດການໃນວັນທີ 11/9 ໄດ້ເຮັດໃຫ້ປະເທດອາເມລິກາຕ້ອງສັ່ນສະເທືອນ, ຊື່ງເຮັດໃຫ້ 3000 ເສຍຊີວິດ. ເລື່ອງຕຶກແຝດຖືກພັງທະລາຍ ແລະ ທຳນຽບ 5 ແຈຖືກບຸກໂຈມຕີໄດ້ເຮັດໃຫ້ພາບພົດຂອງປະເທດທີ່ເຄີຍຖືກຖືວ່າແມ່ນປ້ອມໝັ້ນທີ່ບໍ່ອາດບຸກໂຈມຕີໄດ້ໃນໂລກຖືກພັງທະລາຍລົງ ແລະ ປະຈຸບັນນີ້, ເຫດການດັ່ງກ່າວຍັງຄົງເປັນສິ່ງຫຼອກຫຼອນທີ່ຝັງເລິກໃນຄວາມຊົງຈຳຂອງຊາວອາເມລິການທຸກຄົນ. ໃນລາຍການກະຈາຍສຽງເມື່ອທ້າຍອາທິດຜ່ານມາ, ປະທານາທິບໍດີອາເມລິກາ B.Obama ໄດ້ຮຽກຮ້ອງໃຫ້ປະຊາຊົນປະເທດນີ້ ຈົ່ງອາໄລຫາຜູ້ທີ່ໄດ້ຮັບໃຊ້ ແລະ ເສຍສະຫຼະຊີວິດເພື່ອຮັກສາຄວາມປອດໄພຂອງປະເທມດອາເມລິກາ ພາຍຫຼັງເຫດການກໍ່ການຮ້າຍທີ 11/9.
ແຕ່ເຖິງຢ່າງໃດກໍ່ຕາມ, ໃນຊຸມວັນນີ້, ການຮັກສາຄວາມສະຫງົບປອດໄພຢູ່ນະຄອນນິວຢອກ ແລະ ໃນທົ່ວປະເທດອາເມລິກາ ໄດ້ຮັບການເພີ່ມທະວີ. ບັນດາການຢັ່ງຫາງສຽງໃນມໍ່ໆມານີ້ສະແດງໃຫ້ເຫັນວ່າ, ຊາວອາເມລິກາ ລ້ວນແຕ່ມີຄວາມອິດເມື່ອຍພາຍຫຼັງກ່ວາ 1 ທົດສະວັດດຳເນີນສົງຄາມຢູ່ອາບການີສະຖານ ແລະ ອີຣັກ. ຈາກການສະໜັບສະໜູນຢ່າງແຮງຂອງບັນດາປະເທດພັນທະມິດໃນການຕ້ານກໍ່ການຮ້າຍ, ປະເທດອາເມລິກາ ນັບມື້ນັບໄດ້ຮັບການຕຳນິຕິຕຽນ, ຄັດຄ້ານຫຼາຍກ່ວາການສະໜັບສະໜູນ.