(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ນະຄອນ Houston, ລັດ Texas, ອາເມລິກາ, ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຟ້າມກວາງວິງ ໄດ້ເຂົ້າຮ່ວມກອງປະຊຸມເຕັກໂນໂລຢີນຳ້ມັນອາຍແກສນອກຝັ່ງທະເລ (OTC) 2015, ເຂົ້າຮ່ວມພິທີຕ້ອນຮັບແຂກຂອງກົງສູນໃຫຍ່ຫວຽດນາມ ຢູ່ Houston, ເນື່ອງໃນໂອກາດສະເຫຼີມສະຫຼອງ 20 ປີ ແຫ່ງວັນສ້າງຕັ້ງການພົວພັນທາງການທູດຫວຽດນາມ - ອາເມລິກາ, ພົບປະກັບບັນດານັກທຸລະກິດອາເມລິກາ ຢູ່ Houston ແລະ ເຂົ້າຮ່ວມບາງເຫດການທີ່ກ່ຽວຂ້ອງນັບແຕ່ວັນທີ 4-5/5.
ກ່ຽວກັບ OTC-2015, ນີ້ແມ່ນງານວາງສະແດງໃຫຍ່ກວ່າໝູ່ຢູ່ໂລກໃນປີນີ້ໃນຂົງເຂດນຳ້ມັນອາຍແກສ, ດ້ວຍການເຂົ້າຮ່ວມຂອງບໍລິສັດ, ກຸ່ມບໍລິສັດນຳ້ມັນອາຍແກສອັນດັບໜຶ່ງຂອງໂລກນັບພັນແຫ່ງ. ຄະນະຈັດຕັ້ງ OTC-2015 ເປັນຄັ້ງທຳອິດໄດ້ເລືອກເຟັ້ນ ແລະ ເຊີນຫຽດນາມ ເຂົ້າຮ່ວມ, ກ່າວຄວາມເຫັນທີ່ວາລະປະຊຸມຄົບຄະນະຂອງກອງປະຊຸມ. ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຟ້າມກວາງວິງ ຢືນຢັນເຖິງການສະໜັບສະໜູນຂອງລັດຖະບານ ແລະ ບັນດານະໂຍບາຍພິເສດສຳລັບນັກລົງທຶນຕ່າງປະເທດໃນຂົງເຂດນຳ້ມັນອາຍແກສຢູ່ຫວຽດນາມ. ດ້ວຍນະໂຍບາຍພິເສດດັ່ງກ່າວ, ທ່ານເອກອັກຄະລັດຖະທູດ ຟ້າມກວາງວິງ ປາຖະໜາວ່າ, ບັນດານັກລົງທຶນ, ບໍລິສັດ, ກຸ່ມບໍລິສັດຕ່າງປະເທດຈະສືບຕໍ່ເພີ່ມທະວີການລົງທຶນ, ຮ່ວມມື, ທຳມາຫາກິນຢູ່ຫວຽດນາມ ໃນຂົງເຂດນຳ້ມັນອາຍແກສກວ່າອີກ, ບົນພື້ນຖານຕ່າງຝ່າຍຕ່າງມີຜົນປະໂຫຍດ, ເໝາະສົມກັບກົດໝາຍສາກົນ ແລະ ສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດປີ 1982.