ແກ້ໄຂສະພາບການທະເລຕາເວັນອອກດ້ວຍມາດຕະການສັນຕິພາບ
ທ່ານຮອງນາຍົກລົດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ
(ພາບ: ອິນເຕີແນດ)
(vovworld) – ໃນຂອບເຂດກອງປະຊຸມສະໄໝສາມັນເທື່ອທີ 7 , ສະພາແຫ່ງຊາດຫວຽດນາມຊຸດທີ 13, ຕອນບ່າຍວັນທີ 20/5, ສະພາແຫ່ງຊາດຮັບຟັງທ່ານຮອງນາຍົກລົດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ແນະນຳບົດລາຍງານກ່ຽວກັບສະພາບທະເລຕາເວັນອອກ, ເລື່ອງຈີນຕັ້ງຮ້ານເຈາະນຳ້ມັນ ໄຮຢາງ 981 ໃນເຂດເສດຖະກິດຈຳເພາະຂອງຫວຽດນາມ, ແຜນນະໂຍບາຍ ແລະ ມາດຕະການແກ້ໄຂຂອງຫວຽດນາມ ກ່ຽວກັບບັນຫານີ້.
ຕອບສຳພາດຕໍ່ນັກຂ່າວກ່ຽວກັບເນື້ອໃນນີ້, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໃຫ້ຮູ້ວ່າ:
”ພວກເຮົາສືບຕໍ່ມາດຕະການແກ້ໄຂຜ່ານການຕໍ່ສູ້ທາງການທູດ, ເຊິ່ງຕົ້ນຕໍແມ່ນການພົວພັນໂດຍກົງກັບຈີນ. ຫວຽດນາມ ເດັດດຽວຕໍ່ສູ້, ທວງໃຫ້ຈີນຕ້ອງຖອນຮ້ານເຈາະນຳ້ມັນ ແລະ ກຳປັ່ນປ້ອງກັນທັງໝົດອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ນັ້ນແມ່ນຫຼັກໝັ້ນເດັດດຽວຂອງຫວຽດນາມ. ຫວຽດນາມຈະສືບຕໍຕໍ່ສູ້ ແລະ ປະຕິບັດບັນດາມາດຕະການສັນຕິພາບ, ເໝາະສົມກັບກົດໝາຍສາກົນເພື່ອປົກປັກຮັກສາອະທິປະໄຕ”
ສະມາຊິກສະພາແຫ່ງຊາດບາງທ່ານກໍ່ສະເໜີລັດຖະບານມີບັນດາຮູບການໜູນຊ່ວຍທີ່ເໝາະສົມເພື່ອໃຫ້ຊາວປະມົງຕິດພັນກັບທະເລ, ຫາປາຢູ່ໃກຝັ່ງ. ທ່ານ ຫງວຽນທ໋າຍຫອກ, ສະມາຊິກສະພາແຫ່ງຊາດແຂວງຟູ່ອຽນ, ສະເໜີວ່າ:
”ລັດຖະບານຄວນໜູນຊ່ວຍຊາວປະມົງກ່ຽວກັບກຳນົດເວລາໃຫ້ກູ້ຢືມທຶນ ຫຼືສ້າງເງື່ອນໄຂໃຫ້ຊາວປະມົງກູ້ຢືມທຶນດ້ວຍດອກເບ້ຍ 0% ເພື່ອໃຫ້ເຂົາເຈົ້າຕໍ່ກຳ່ປັ່ນຢ່າງໜັກແໜ້ນ ຫຼືໜູນຊ່ວຍພາຫະນະອຸປະກອນຫາປາທີ່ທັນສະໄໝເພື່ອໃຫ້ເຂົາເຈົ້າຫາປາຢູ່ໃກຝັ່ງ. ຕຳຫຼວດທະເລ ແລະ ກຳລັງກວດກາການປະມົງກໍ່ຕ້ອງມີມາດຕະການໜູນຊ່ວຍຊາວປະມົງຢ່າງທັນການໃນເງື່ອນໄຂຫາປາຢູ່ໃກຝັ່ງ ເພື່ອໃຫ້ເຂົາເຈົ້າອູ່ນອ່ຽນໃຈ”.