ແຂວງ ແຄ໋ງຮ່ວາ ເພີ່ມທະວີພະນັກງານການແພດ, ການສຶກສາໃຫ້ບັນດາຕາແສງ ຢູ່ເມືອງເກາະ ເຈື່ອງ
ພາບປະກອບ
(vovworld) – ຄະນະກຳມະການປະຊາຊົນແຂວງ ແຄ໋ງຮ່ວາ ໄດ້ຍົກອອກແຜນການເພີ່ມເຕີມຄູອາຈານ ແລະ ພະນັກງານການແພດບັນຈຸຢູ່ແຕ່ລະຕາແສງ, ເທດສະບານທີ່ຂຶ້ນກັບເມືອງເກາະ ເຈື່ອງຊາ, ເພື່ອແນໃສ່ປັບປຸງລະບົບການສຶກສາຂັ້ນ ປະຖົມ ແລະ ກໍ່ສ້າງບັນດາສຸກສາລາຕາແສງຢູ່ທີ່ນີ້. ບັນດາທ້ອງຖິ່ນນີ້ລວມມີ: ເທດສະບານ ເຈື່ອງຊາ, ຕາແສງ ຊິງຕົນ (Sinh Ton) ແລະ ຕາແສງ ຊອງຕື໋ໄຕ (Song Tu Tay). ນອກຈາກນັ້ນ, ໃນໄລຍະຈະມາເຖິງ, ຕາແສງ ຊິງຕົນ (Sinh Ton) ແລະ ຕາແສງ ຊອງຕື໋ໄຕ (Song Tu Tay) ຈະກໍ່ສ້າງໂຮງຮຽນປະຖົມ ຈາກແຫຼ່ງທຶນຂອງລາຍການ “ເພື່ອນັກຮຽນ ເຈື່ອງຊາ ທີ່ຮັກແພງ”. ເລື່ອງກໍ່ສ້າງສຸກສາລາຢູ່ 3 ຕາແສງ, ເທດສະບານດັ່ງກ່າວ, ເພື່ອແນໃສ່ຮັບໃຊ້ວຽກງານເບິ່ງແຍງດູແລສຸຂະພາບໃນເບື້ອງຕົ້ນ, ປິ່ນປົວພະຍາດໃຫ້ແກ່ພະນັກງານ, ປະຊາຊົນໃນເກາະ ແລະ ຊາວປະມົງທີ່ຫາປາໃນເຂດທະເລທີ່ຂຶ້ນກັບເກາະ ເຈື່ອງຊາໃຫ້ດີກ່ວາອີກ.