ປະຕິບັດບັນດາມາດຕະການພັດທະນາແຫຼ່ງຊັບພະຍາກອນມະນຸດຂະແໜງສາທາລະນະສຸກຢ່າງຄົບຊຸດ
(ພາບ:vinhcity.gov.vn)
( vovworld ) – ຕອນເຊົ້າວັນທີ 20/2, ກະຊວງສາທາລະນະສຸກສົມທົບກັບທະນາຄານພັດທະນາອາຊີ ແລະ ອົງການພັດທະນາສາກົນອົດສະຕາລີ ໄດ້ຈັດກອງປະຊຸມສະຫລຸບການເຄື່ອນໄຫວປີ 2011 ແລະ ຜັນຂະຫຍາຍແຜນການປີ 2012 ຂອງໂຄງການ “ລາຍການພັດທະນາແຫຼ່ງຊັບພະຍາກອນມະນຸດຂະແໜງສາທາລະນະສຸກ“. ກ່າວຄຳເຫັນທີ່ກອງປະຊຸມ, ທ່ານນາງ ຫງວຽນທິກິມຕຽນ, ລັດຖະມົນຕີກະຊວງສາທາລະນະສຸກໃຫ້ຮູ້ວ່າ: “ນີ້ແມ່ນໂຄງການທຳອິດຮັບໃຊ້ໃຫ້ແກ່ບັນຫາພັດທະນາແຫຼ່ງຊັບພະຍາກອນມະນຸດ. ພວກເຮົາພວມສຸມໃສ່ການບຳລຸງສ້າງ, ເຮັດແນວໃດໃຫ້ຫລັງໂຄງການ, ພື້ນຖານດ້ານວັດຖຸ, ເຄື່ອງອຸປະກອນຕ້ອງເພີ່ມຂຶ້ນຢ່າງແທ້ຈິງ ຕອບສະໜອງການຍົກສູງຂອບຂະໜາດ ແລະ ຄຸນນະພາບການບຳລຸງສ້າງ. ພາຍຫລັງໂຄງການນີ້ ພວກເຮົາຫວັງວ່າ ຈະມີບັນດາໂຄງການອື່ນ ປະກອບສ່ວນຍົກສູງຄຸນນະພາບກວດ ແລະ ປີ່ນປົວພະຍາດ“
ຕາມແຜນການແລ້ວ, ພັດທະນາແຫຼ່ງຊັບພະຍາກອນມະນຸດ ໄດ້ປະຕິບັດໃນໄລຍະເວລາ 5 ປີ (9/2010-9/2015). ປີນີ້, ໂຄງການໄດ້ສຸມໃສ່ການປັບປຸງການສ້າງແຜນການ ແລະ ຄຸ້ມຄອງແຫຼ່ງຊັບພະຍາກອນມະນຸດຂະແໜງສາທາລະນະສຸກ, ຍົກລະດັບເຄື່ອງອຸປະກອນການສິດສອນ, ເພີ່ມທະວີຄຸນນະພາບບັນດາຮາກຖານບຳລຸງສ້າງ…