ທ່ານນາງຮອງປະທານສະພາແຫ່ງຊາດ Tong Thi Phong
(ພາບ: google.com.vn)
(vovworld) - ວັນທີ 21/10, ຢູ່ຮ່າໂນ້ຍ, ອົງຄະນະພັກຫ້ອງວ່າການສະພາແຫ່ງຊາດ ໄດຈັດຕັ້ງກອງປະຊຸມໂຄສະນາເຜີຍແຜ່ຜົນກອງປະຊຸມຄັ້ງທີ 6 ຂອງຄະນະບໍລິຫານງານສູນກາງພັກຊຸດທີ 11 ເຖິງໝູ່ພະນັກງານ, ສະມາຊິກພັກທັງໝົດຂອງອົງຄະນະພັກຫ້ອງວ່າການສະພາແຫ່ງຊາດເຂດພາກເໜືອ. ກ່າວຄວາມເຫັນທີ່ກອງປະຊຸມ, ທ່ານນາງຮອງປະທານສະພາແຫ່ງຊາດ Tong Thi Phong ເນັ້ນໜັກວ່າ:
”ໃນກອງປະຊຸມຄັ້ງນີ້, ບັນດາເນື້ອໃນທີ່ກ່ຽວຂ້ອງເຖິງບັນດາທັດສະນະ, ແນວຄິດທີ່ເປັນພື້ນຖານຂອງມະຕິສູນກາງ 6 ນັ້ນ, ພວກເຮົາໄດ້ສຸມໃສ່ປຶກສາຫາລືລັດຖະທຳມະນູນ, ປຶກສາຫາລືບັນດາວຽກງານທີ່ກ່ຽວຂ້ອງເຖິງບຸກຄະລາກອນ ເຊິ່ງສະພາແຫ່ງຊາດເລືອກຕັ້ງ ແລະ ເຊັນອະນຸມັດ, ນີ້ແມ່ນບັນດາວຽກງານທີ່ຈຳເປັນທີ່ສຸດ, ພ້ອມກັບກົນໄກພົວພັນຕ່າງປະເທດ, ກົນໄກປ້ອງກັນພາຍໃນ. ການບຸກໂຈມຕີຂອງສັດຕູພາຍນອກ, ບັນດາອິດທິກຳລັງທີ່ເປັນປໍລະປັກໃນປະຈຸບັນ…ອີກດ້ວຍ ”
ພາຍຫຼັງກອງປະຊຸມນີ້, ອົງຄະນະພັກຫ້ອງວ່າການສະພາແຫ່ງຊາດ ສືບຕໍ່ຈັດຕັ້ງການໂຄສະນາເຜີຍແຜ່ຜົນຂອງກອງປະຊຸມສູນກາງ 6 ເຖິງພະນັກງານ, ສະມາຊິກພັກ ຂອງອົງການຜູ້ຕ່າງໜ້າຢູ່ເຂດພາກໃຕ້, ພາກກາງ ແລະ ເຂດໄຕງວຽນ.