ໃຫ້ບຸລິມະສິດສູງສຸດໃຫ້ແກ່ຜູ້ມີຄຸນງາມຄວາມດີ
ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຮອງນາຍົກລັດຖະມົນຕີ ຫງວຽນທ້ຽນເຍີນເຮັດວຽກກັບສະມາຄົມອະດີດຊາວໜຸ່ມຕະລຸມບ່ອນ
(ພາບ:VGP/Từ Lương)
(vovworld) – ທີ່ການເຮັດວຽກກັບສະມາຄົມອະດີດຊາວໜຸ່ມຕະລຸມບ່ອນ ຫວຽດນາມ ໃນຕອນບ່າຍວັນທີ 22/10, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຮອງນາຍົກລັດຖະມົນຕີ ຫງວຽນທ້ຽນເຍີນ ຢືນຢັນວ່າ: ພັກ ແລະ ລັດຍາມໃດກໍ່ຈົດຈຳບູນຄຸນຂອງບັນດາອະດີດຊາວໜຸ່ມຕະລຸມບ່ອນ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ສະເໜີໃຫ້ສະມາຄົມຊາວໜຸ່ມຕະລຸມບ່ອນ ຫວຽດນາມ ຂັ້ນຕ່າງໆ ແລະ ບັນດາອົງການສູນກາງແນວໂຮມປະເທດຊາດຂັ້ນຮາກຖານເພີ່ມທະວີການສົມທົບຢ່າງແໜ້ນແຟ້ນກ່ວາອີກເພື່ອແກ້ໄຂບັນດາສິ່ງຍັງຄົງຄ້າງເພື່ອແນໃສ່ຍູ້ແຮງການກວດກາຄືນນະໂຍບາຍໃຫ້ຜູ້ມີຄຸນງາມຄວາມດີໃນໄຕມາດທີ 1 ປີ 2014. 2 ຝ່າຍກໍ່ຄວນເພີ່ມທະວີການສົມທົບໂຄສະນາກ່ຽວກັບ ອະດີດຊາວໜຸ່ມຕະລຸມບ່ອນເພື່ອສ້າງຄວາມເຫັນດີເຫັນພ້ອມໃນສັງຄົມ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ເວົ້າວ່າ:
“ແຜນນະໂຍບາຍຂອງແນວໂຮມປະເທດຊາດ ຫວຽດນາມ ແລະ ລັດຖະບານ ແມ່ນເປັນເອກະສັນກັນປະຕິບັດການກວດກາສັງລວມແມ່ນຖືກຕ້ອງ. ເລື່ອງກວດການະໂຍບາຍໃຫ້ຜູ້ມີຄຸນງາມຄວາມດີນຳມາເຊິ່ງຄວາມໄວ້ເນື້ອເຊື່ອໃຈໃຫ້ແກ່ການພັດທະນາຂອງປະເທດຊາດຫຼາຍກ່ວາອີກ. ດ້ວຍຈິດໃຈນັ້ນ, ຂ້າພະເຈົ້າສະເໜີຕ້ອງຕັດສິນໃຈປະຕິບັດແຜນນະໂຍບາຍໃຫຍ່ ນັ້ນແມ່ນປະເທດຕ້ອງໃຫ້ບຸລິມະສິດສູງສຸດໃຫ້ຜູ້ມີຄຸນງາມຄວາມດີ.”