(ພາບປະກອບ)
( vovworld ) – ທີ 26/8, ກອງປະຊຸມຍຸດຍອດຂະບວນການບໍ່ຮ່ວມກຸ່ມ (NAM) ຄັ້ງທີ 16 ໄດ້ໄຂຂຶ້ນຢູ່ນະຄອນຫຼວງເຕເຮຣານ ປະເທດອີຣານ ຊື່ງແມ່ນປະເທດພວມແມ່ນຈຸດສຸມ ດຶງດູດຄວາມສົນໃຈຂອງໂລກ ແລະ ພວມຖືກຮັບບັນດາກຳລັງດັນຈາກປະຊາຄົມໂລກກ່ຽວກັບໂຄງການນິວເຄຼຍຂອງຕົນ. ກອງປະຊຸມຄັ້ງນີ້ ສືບຕໍ່ປຶກສາຫາລືບັນດາຫຼັກການພື້ນຖານ ແລະ ການກຳນົດທິດຂອງຂະບວນການ ບໍ່ຮ່ວມກຸ່ມ, ວາງອອກບັນດາມາດຕະການເພື່ອແນໃສ່ຊຸກຍູ້ບົດບາດ ແລະ ສຽງເວົ້າຂອງຂະບວນການນີ້ໃນເວທີສາກົນກ່ວາອີກ ໃນສະພາບການໂລກມີບັນດາການຜັນແປ່ໄປອັນສັບສົນ. ກອງປະຊຸມຄັ້ງນີ້ກໍ່ສະຫງວນເວລາຫຼາຍພໍສົມຄວນໃຫ້ແກ່ເນື້ອໃນກ່ຽວກັບສະພາບຂາດສະຖຽນລະພາບຢູ່ຕາເວັນອອກກາງ ຊື່ງຕາມນັ້ນ ສຸມໃສ່ຕີລາຄາສະພາບພາກພື້ນ ແລະ ສາກົນ, ໂດຍສະເພາະແມ່ນບັນດາບັນຫາໄດ້ຮັບຄວາມເອົາໃຈໃສ່ຈາກບັນດາສະມາຊິກຄື: ລະດັບເຕີບໂຕເສດຖະກິດໂລກ, ຄວາມມານະພະຍາຍາມປະຕິຮູບ ສປຊ, ຊຸກຍູ້ບັນດາບັນຫາພັດທະນາ, ສັງຄົມ, ສິດທິມະນຸດ, ແລກປ່ຽນກ່ຽວກັບການກຳນົດທິດຂອງຂະບວນການ, ວິທິແກ້ໄຂຄວາມຫຍູ້ງຍາກ, ການທ້າທາຍໃນປະຈຸບັນ ເພື່ອແນໃສ່ຊຸກຍູ້ບົດບາດຂອງຂະບວນການໃນເວລທີສາກົນ, ເພີ່ມທະວີການຮ່ວມມືກັບສາກົນ…..