(vovworld) - ກອງປະຊຸມພິເສດຂອງບັນດາເຈົ້າໜ້າທີ່ໂທລະຄົມ ແລະ ເຕັກໂນໂລຢີຂໍ້ມູນຂ່າວສານພາກພື້ນອາຊຽນ, ໂດຍກະຊວງຖະແຫຼງຂ່າວ ແລະ ສື່ສານຫວຽດນາມສົມທົບກັບຄະນະເລຂາອາຊຽນ ຈັດຕັ້ງ ໄດ້ໄຂຂຶ້ນເມື່ອຕອນບ່າຍວັນທີ 5/9, ຢູ່ ຮ່າໂນ້ຍ. ກ່າວຄວາມເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ Le Nam Thang ຖືວ່າ, ເຖິງວ່າບັນດາປະເທດອາຊຽນໄດ້ມີບັນດາຜົນງານໃນການພັດທະນາຢ່າງກະໂດດຂັ້ນກໍ່ຕາມ, ແຕ່ຂະແໜງອຸດສາຫະກຳຖະແຫຼງຂ່າວ - ສື່ສານ ອາຊຽນຍັງຕ້ອງປະເຊີນໜ້າກັບການທ້າທາຍໃຫຍ່ ຍ້ອນຊາວກະສິກອນພາກສ່ວນໜຶ່ງຍັງຖືກຈຳກັດໃນການສຳພັດກັບບັນດາການບໍລິການເຕັກໂນໂລຢີ. ນອກນັ້ນ, ບັນດາປະເທດອາຊຽນຍັງມີວຽກງານຫຼາຍຢ່າງທີ່ຈະຕ້ອງແກ້ໄຂ ເພື່ອໃຫ້ທ່ວງທັນກັບການພັດທະນາຂອງທົ່ວໂລກໃນຂົງເຂດຕ່າງໆ. ດັ່ງນັ້ນເພື່ອກ້າວໄປເຖິງການສ້າງຕັ້ງປະຊາຄົມເຕັກໂນໂລຢີ ຖະແຫຼງຂ່າວ - ສື່ສານອາຊຽນນັ້ນ, ອາຊຽນພວມມຸ່ງໄປເຖິງການປະຕິບັດໂຄງການສັງລວມເຖິງປີ 2015 ສຳຫຼັບບາງຂໍ້ລິເລີ່ມໃຫຍ່ໃຫ້ປະກົດຜົນເປັນຈິງ…ກອງປະຊຸມເຈົ້າໜ້າທີ່ໂທລະຄົມ ແລະ ເຕັກໂນໂລຢີຂໍ້ມູນຂ່າວສານອາຊຽນຖືກຈັດຂຶ້ນ ດ້ວຍຈຸດໝາຍກວດກາບັນດາການເຄື່ອນໄຫວ, ໂຄງການຮ່ວມມືກ່ຽວກັບເຕັກໂນໂລຢີຖະແຫຼງຂ່າວ ແລະ ສື່ສານໃນພາກພື້ນ, ພິຈາລະນາບັນດາຂໍ້ລິເລີ່ມ, ພ້ອມທັງປຶກສາຫາລືບັນດາບັນຫາທີ່ມີລັກສະນະກຳນົດທິດລວມ ເພື່ອລາຍງານຕໍ່ກອງປະຊຸມຂັ້ນລັດຖະມົນຕີ ຜ່ານການຜັນຂະຫຍາຍ.