ໄຂງານຕະຫລາດນັດການຄ້າ,ການທ່ອງທ່ຽວສາກົນຫວຽດນາມ-ຈີນ2015
ຮ້ານວາງສະແດງສິນຄ້າຂອງຫວຽດນາມ ທີ່ງານຕະຫລາດນັດການຄ້າ, ການທ່ອງທ່ຽວສາກົນ ຫວຽດນາມ - ຈີນ
ພາບ:TTXVN
|
(vovworld)- ງານຕະຫລາດນັດການຄ້າ, ການທ່ອງທ່ຽວສາກົນ ຫວຽດນາມ - ຈີນ ປີ 2015 ຖືກໄຂຂຶ້ນຢ່າງເປັນທາງການຢູ່ນະຄອນ ມອງກາຍ ແຂວງ ກວາງນີງ. ນີ້ແມ່ນຄັ້ງທີ 10 ງານຕະຫລາດນັດດັ່ງກ່າວຈັດຂຶ້ນຜັດປ່ຽນກັນຢູ່ ສອງປະເທດ ແລະ ແມ່ນການເຄື່ອນໄຫວນອນໃນລາຍການສົ່ງເສີມດ້ານການຄ້າແຫ່ງຊາດ. ງານຕະຫລາດນັດປີນີ້ ໄດ້ດຶງດູດ ກວ່າ 400 ຮ້ານວາງສະແດງ ຂອງກວ່າ 250 ອົງການ, ວິສາຫະກິດ, ສ່ວນບຸກຄົນມາຈາກສອງປະເທດ. ກ່າວຄຳເຫັນທີ່ພິທີໄຂ, ທ່ານເລທັງຫາຍ, ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຫວຽດນາມ ໃຫ້ຂໍ້ສັງເກດວ່າ:
“ງານຕະຫລາດນັດຈະປະກອບສ່ວນແນະນຳ, ໂຄສະນາບັນດາຜະລິດຕະພັນ, ເຄື່ອງໝາຍການຄ້າກໍຄືຄວາມສາມາດບົ່ມຊ້ອນ, ທ່າແຮງດ້ານເສດຖະກິດຂອງບັນດາທ້ອງຖິ່ນສອງປະເທດ ພ້ອມທັງຊຸກຍູ້ການຮ່ວມມືພັດທະນາເສດຖະກິດ, ການລົງທຶນ, ການທ່ອງທ່ຽວ ແລະ ບໍລິການລະຫວ່າງຫວຽດນາມ ແລະ ຈີນ. ງານຕະຫລາດນັດຈະປະກອບສ່ວນເພີ່ມທະວີການພົວພັນແລກປ່ຽນດ້ານການຄ້າ ແລະ ການເຕີບໂຕວົງເງິນສົ່ງອອກຂອງສອງປະເທດ.”