ໄຂງານບຸນລະດູບານໃໝ່ປີມະເມຍ2014ຢູ່ນະຄອນຫຼວງຮ່າໂນ້ຍ
ພາບປະກອບ
(ຈາກ: Thanh Tùng-TTXVN)
(vovworld) – ວັນທີ 16/1, ຢູ່ ຮ່າໂນ້ຍ, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ, ຄະນະກຳມະການປະຊາຊົນນະຄອນ ຮ່າໂນ້ຍ ໄດ້ຈັດຕັ້ງພິທີໄຂງານບຸນລະດູບານໃໝ່ປີມະເມຍ 2014 ດ້ວຍຫົວຂໍ້ “ບັນດາຂີດໝາຍປະຫວັດຊາດໃນປີມະເມຍ”. ງານບຸນໄດ້ຮັບການຈັດຕັ້ງແຕ່ວັນທີ 16 – 23/1/2014, ຢູ່ສູນວາງສະແດງວັດທະນະທຳສິລະປະ ຫວຽດນາມ.
ດ້ວຍຫົວຂໍ້ວ່າ: “ບັນດາຂີດໝາຍປະຫວັດຊາດປີມະເມຍ”, ວັນບຸນແມ່ນບ່ອນວາງສະແດງວັດຖຸພັນ, ຮູບພາບ, ຮູບແຕ້ມ, ຮູບປັ້ນ, ວີດີໂອຕ່າງໆເພື່ອແນໃສ່ວາດພາບເຖິງສິ່ງແວດລ້ອມ ທີ່ເຕັມໄປດ້ວຍຄວາມໝາຍທີ່ເປັນມູນເຊື້ອຜ່ານຮູບພາບ “ໂຕມ້າ” ໃນຈິດໃຈຂອງຊາວ ຫວຽດນາມ, ງານບຸນທີ່ເປັນມູນເຊື້ອ ແລະ ປະຫວັດສາດທີ່ອົງອາດກະຫານຂອງປະເທດ. ງານບຸນລະດູບານໃໝ່ປີມະເມຍ 2014 ເພື່ອແນໃສ່ເຊີດຊູບັນດາຄຸນຄ່າ, ຄວາມງາມວັດທະນະທຳ, ບຸນປີໃໝ່ປະຈຳຊາດ, ສຶກສາຄວາມຮັກຊາດ, ເຈດຈຳນົງອົງອາດກະຫານ ແລະ ນັບຖືເສລີພາບຂອງຊາດ ຫວຽດນາມ, ພ້ອມທັງເຊີດຊູຄຸນຄ່າມໍລະດົກວັດທະນະທຳທີ່ມີຮູບຮ່າງ, ບໍ່ມີຮູບຮ່າງຂອງມວນມະນຸດ, ໃນນັ້ນພົ້ນເດັ່ນແມ່ນແນະນຳກ່ຽວກັບງານບຸນ ຢ໋ອງ ເຊິ່ງໄດ້ຮັບການຮັບຮອງຈາກ UNESCO ວ່າແມ່ນມໍລະດົກບໍ່ມີຮູບຮ່າງເປັນຕົວແທນຂອງມວນມະນຸດ. ງານບຸນລະດູບານໃໝ່ຍັງຊ່ວຍໃຫ້ບັນດາວິສາຫະກິດເປີດກ້ວາງການຈຳໜ່າຍໂຄສະນາສິນຄ້າ ຫວຽດນາມ ທີ່ມີຄຸນນະພາບ, ໄດ້ຮັບຄວາມນິຍົມຈາກຜູ້ອຸປະໂພກ, ຕອບສະໜອງຂະບວນການ “ຊາວ ຫວຽດນາມ ບຸລິມະສິດນຳໃຊ້ສິນຄ້າ ຫວຽດນາມ” ຢ່າງແທດຈິງ.